በትግራይ ክልል በሚታየው የጸጥታና የማህበራዊ አገልግሎት ችግር ህዝቡ ያማርራል፣

በሽረ እንዳስላሰ ከተማ በሚገኘው ፖሊስ ጣብያ አጠገብ የሚገኝ “ፎቶ ዜድ” በሚል ስም የሚታወቅ አንድ የግል ፎቶ ቤት ከ 200 ሽህ በላይ የሚገመት ገንዘብና ንብረት በዘራፊዎች በመዘረፉ ምክንያት ግራ የተጋባው የከተማዋ ኗሪ ህዝብ የድርጅቱን መዘረፍ ፖሊስ ጣብያውን የመዝረፍ ያህል ስለሆነበት በዝርፊያው የከተማዋ ፖሊስ እጅ አለበት የሚል ስሜት በኗሪው ዘንድ መፍጠሩን ቷውቃል፣

በሌላ በኩል በክልሉ ምዕራባዊ ዞን የማይ ካድራ ወረዳ ህዝብ የንጹህ የመጠጥ ውሃና የመብራት አገልግሎት አቅርቦት ችግር እንደዚሁም የመኪና መንገድ ባለመኖሩ ምክንያት መንግስታዊም ሆነ የግል ድርጅቶች በአግባቡ አገልግሎት መስጠት ስላልቻሉ የአከባቢው ህዝብ ያማርራል፣

በተመሳሳይ በሰ/ምዕራብ ትግራይ ፤ በጸለምቲ ወረዳ ፤ በማይ ጸብሪ ከተማና አከባቢዋ የተሟላ የህክምና መሳሪያዎችንና ባለሞያ ያላቸው የህክምና ማእከላት ስለሌሉና ወደ ዞን ሆስፒታል ለመሄድም በአቅራቢያው የአምቡላንስ አገልግሎት ባለመኖሩ ምክንያት በርካታ እናቶች በህክምና እርዳታ እጦት ለሞት እየተዳረጉ መሆኑን የደረሰን ዘገባ ያመለክታል፣