ኣብ ሰሜን ጎንደር ዝነብሩ ኣካላት ሕብረተሰብ ኣብ ዝሓለፉ 24 ዓመታት ዉሽጢ ብስርዓት ብኣዴን ኢህወዴግ ዝተሰርሐሎም መሰረተ ልምዓት ከም ዘየለ ገሊፆም።

ዝተረኸበ ሓበሬታ ከም ዘመላኽቶ ኣብ ክልል ኣምሓራ ዞባ ሰሜን ጎንደር ዝርከቡ ነበርቲ ወተሃደራዊ ስርዓት ደርጊ ብምዉዳቕ ድኽነት ኣጥፍኢኻ ለዉጢ መነባብሮ ንምምፃእን ዴሞክራስያዊ ስርዓት ብምትካል ልምዓታዊ ሕቶ ህዝቢ ንምምላስን ኣብ ዝተገበረ ደማዊ ቃልሲ ፆታ ብዘይፈሊ ኣብ ጎኒ ኢህወዴግን ናይ ሎሚ ብኣዴን ኢህወዴግ ተሰሊፎም ዝኸፈልዎ መስዋእቲ ገዛኢት ጉጅለ ብኣዴን ኢህወዴግ መንበረ ስልጣን ምስ ተቆፃፀሩ ቃሎም ብምዕፃፍ ዝድህሰስን ዝጭበጥን ልምዓታዊ ስራሕ ክሰርሑ ኣይከኣሉን ክብሉ ገሊፆም።

ኣስዒቡ እቲ ሓበሬታ ጉጅለ መራሕቲ ብኣዴን መበል 35 ልደት ዉድቦም ንምኽባር ሸበድበድ ክብሉ ዝተዓዘቡ ገለ ነበርቲ ናይ'ቲ ዞባ ኣብ ዝሃብዎ ሓሳብ እቲ በዓል ህዝባዊ በዓል ከም ዘይኮነ ምኽንያቱ ብኣዴን ኢህወዴግ ስልጣን ካብ ዝሓዘሉ ግዜ ኣትሒዙ ኣብ ከባቢኦም ሓሓሊፉ ብልጭልጭ ካብ ዝብሉ ቆርቆረታት ወፃኢ ንሕብረተ ሰብ ዝረብሕ መሰረተ ልምዓት ከም ዘይተሰርሐ ብፍላይ ከዓ ቀረብ ዝሰተ ፅሩይ ማይ ብዘይ ምህላዉ ዝሰትይዎ ማይ ብሽንቲ ካልእ ርሳሕትን ዝተበከለ እናተጠቐሙ ኣብ ጥዕና ነበርቲ ዝበፅሕ ዘሎ ሰዓቤን ክሳብ ህይወት ሰባት ይቐዝፍ ብምህላዉ ናይ 24 ዓመታት ደረጃ ጉድኣቱ ካብ ምብዝሑ ዝነቐለ ክንድዚ ኢልካ ንምቕማጥ ኣፀጋሚ ከም ዝኾነ ተዛሪቦም።