ኣብ ክልል ኦሮሚያ ዞባ ሰሜን ሽዋ ዝነብሩ አባላት ተቃዋሚ ውድብ መድረክ ዝኾኑ ወገናት ብካድረታት እቲ ስርዓት ይጋፍዑ ከም ዘለዉ ምንጭታትና ገሊፆም።

ብመሰረት ሓበሬታ ምንጭታና አብ ክልል ኦሮሚያ ዞባ ሰሜን ሽዋ ከተማ ሾኖ ነባሪ ኣባል ተቃዋሚ ውድብ መድረክ አይተ ጉታ ያዴታ ዝተብሃለ ወገን ብ21 ሰነ 2007 ዓ/ም ካብ ከተማ ስንዳፋ ብምብጋስ ናብ ከተማ ሾኖ ኣብ ዝኸደሉ ግዜ። ካድረታት ናይ’ቲ ስርዓት ኣብ መንገዲ ፀኒሖም ብበትሪ አብ ርእሱ ሃሪሞም ቀቲልናዮ ብምባል ደርብዮሞ ከም ዝኸዱ ተገሊፁ።

   ኣስዒቡ እቲ ሓበሬታ እቲ ብኽቢድ ድብደባ ዝተሃሰየ ወገን ኣብ መንገዲ ተደርብዩ ዝረኣዩ ሰባት ናብ ፖሊስ ሓቢሮም ክልዓል ምስ ገበሩ እቲ ዝተጎደአ ወገን “ንዓይ ዝወቑዑኒ ሰለስተ ካድረታት ገዛኢ ስርዓት እዮም ኣቐዲሞም ‘ዉን ኣባል መድረኽ ብምዃነይ ብተደጋጋሚ ከፈራርሑኒ ፀኒሖም እዮም” ክብል ከም ዝተዛረበ እቶም ናይ ዓይኒ መሰኻኽር ገሊፆም።