ኣብ መላእ ኢትዮጵያ ሃገርና ካብ ዘለዉ ምክልኻል ሰራዊት ብፍቓድ ይኹን ብዘይፍቓድ ካብ ሰራዊት ርሕቖም ዝፀንሑ ኣባላት ሰራዊት ተኣሲሮም ናብ ክፍልታቶም ክላኣኹ ይግበር ከም ዘሎን ሓደሽቲ ስራዊት ንምልማል ዝተገብረ ፃዕሪ ብመናእሰይ ተቐባልነት ከም ዘይረኸበን ተፈሊጡ።

-->

ስርዓት ወያነ ኢህወዴግ መንእስያት ናብ ምክልኻል ሰራዊት ንምምልማል ይንቀሳቐሱ እኳ እንተሃለዉ፤ እቲ  መንእሰይ  እቶም ቅድሚ ሐዚ ተጋዲሎም ዝተጎድኡን ዝተሰዉኡን ንስድራኦም ይኹን ነቶም ብህይወት ዘለዉ ጉድኣት ኩናት ጠመተ ዘይገበሩ መራሕቲ ስልጣን ሒዞም ኣብ ዘለዉሉ ንሕና ክንድገም ኣይንኸይድን ብዝብል ይቋወምዎ ከም ዘለዉ ተሓቢሩ።

 እቶም ብፈቓድ ይኹን ብዘይፍቃድ ኣብ ውሽጢ እቲ ምክልኻል ሰራዊት ብዘሎ ግዕዙይን ፈላላይን ኣሰራራሓ ኣፅሊእዎም ካብ ሰራዊት ርሒቖም ዝፀንሑ ኣባላት እናእሰሩ ክልእኹን ሓደሽቲ መንእሰያት ክምልምሉን ሓላፍነት ካብ ዝወሃቦም ኣዘዝቲ ፖሊስ፤ ነቲ ተግባር ንኽፍፀም ባህ ከም ዘይበሎምን ምስ ህዝቢ ከባእሱና እዮም እናበሉ ተቓዉምኦም ዉሽጣ ዉሽጢ ይገልፁ ከም ዘለዉን ተፈሊጡ።