ኣብ ከተማ ኣዲስ ኣበባ ንፋብሪካ ሓሩጭ ተባሂሉ ብ24 መስከረም 2007 ዓ.ም እምነ ኩርናዕ ዝዓረፎ ትካል፤ ብሽም ሮማን ተስፋይ በዓልቲ ቤት ሃይለማርያም ደሳለኝ ስለ ዝተሰየመ ሓያል ተቓዉሞ ህዝቢ ኣኸቲሉ፣

ምንጭታትና ካብታ ከተማ ኣብ ዝለኣኹልና ሓበሬታ እቲ ኣብ ከተማ ኣዲስ ኣበባ ፍሉይ ቦታ ለገ ጣፎ ተባሂሉ ኣብ ዝፅዋዕ ኣስታት 60 ሄክታር ስፍሓት ኣብ ዝሽፍን መሬት ከም ዝስራሕ እምነ ኩርናዕ ዝዓረፎ ሓዱሽ ፋብሪካ ሓሩጭ፤ ብሽም ቀዳማዊት ወ/ሮ ሮማን ተስፋይ በዓልቲ ቤት ሃይለማርያም ደሳለኝ ጠቕላይ ሚኒስተር ገዛኢ ጉጅለ ኢህወዴግ ክፅዋዕ ከም ዘለዎ ኣብ’ቲ ኣጋጣሚ ምስተነገረ፤ ነዚ ዝሰመዐ ነባሪ ህዝቢ እታ ከተማ ድማ ተቓዉሞ ኣብ ምስማዕ ምህላዉ ተፈሊጡ፣

ወሲኹ እቲ ሓበሬታ ከም ዘረድኦ እቲ ህዝቢ ኣብ ተቓዉምኡ እቲ ፋብሪካ ገንዘብ ህዝቢ ፈሲስዎ እዩ ክስራሕ ስለ ምንታይ ብሽም ዉልቀ ሰብ ክፅዋዕ መንግስቲ ይዉስን እናበለ ኣብ ዝገልፀሉ ዘሎ፤ ነቲ ተቓዉሞ ሰማያዊ ፓርትን ካልኦትን ዉድባት ኣብ ጎኒ ህዝቢ ኮይኖም ብምልዕዓል ኣጠናኺሮም ይቕፅልሉ ከም ዘለዉ ኣፍሊጡ፣