ኣብ ሰራዊት ምክልኻል ኢህወደግ ኣብ ላዕለዎትን ታሕተዎትን ሓለፍቲ ዘለው ሽግራት ንምፍታሕ ብዝብል ሰፊሕ ገምጋም ኣብ ምክያድ ከም ዝርከቡ ምንጭታትና ገሊፆም።

   ኣብዚ እዋን ኣብ ምክልኻል ሰራዊት ኢህወደግ ዝርከቡ ላዕለዎትን ታሕተዎትን መኮንናት ኣብ ዉሽጦም ዘሎ ፍታሕ ዝሰኣነ ዘይምርድዳእ ንሓለፍቲ ነቲ ስርዓት እናጨነቖም ዝፀንሐ ሽግራት፤ ክንፈትሖም ብዝብል ኣብ ኣኼባ ተፀሚዶም ምህላዎም ንምፍላጥ ተኻኢሉ።

    ካብቶም ኣብቲ ኣኼባ ክረኣዩ ሒዞሞም ዘለው ነጥብታት ድማ 1^ይ ነቲ ገዛኢ ጉጅለ ኣስጋእቲ እዮም ንዝበልዎም ሰባት ምሓዝ 2^ይ ነቲ ስርዓት ዘይድግፉን ዘይቃዎሙን ቅዋሞም ዘይፍለጡ ሰባት ምፍላይ። 3^ይ ብዘይ ስራሕ ኣብ ኣብያተ ፅሕፈት ሓለፍቲ ዝቕመጡ ምውፃእ። 4^ይ ብዕብየትን ካልእን ነቲ ምክልኻል ድጋፍ ንዘይብሎም ክዉገዱ ኣለዎም ብምባል ኣብ ሓያል ገምጋም ተፀሚዶም ከም ዝርከቡ ምንጭታትና ኣረዲኦም፣