ነበርቲ ከተማ ሸራሮ ብሕፅረት መሰረት ልምዓት ዕለታዊ መነባብሮኦም ክመርሑ ስለ ዘይከኣሉ። ኣብ ልዕሊ እቲ ስርዓት መረረቶም ይገልፁ ምህላዎም ተፈሊጡ፣

  ኣብ ዞባ ሰሜናዊ ምዕራብ ትግራይ ከተማ ሸራሮ ዝርከቡ ነበርቲ ዕለታዊ መነባብርኦም ንምስልሳል ዘድልይዎም መሰረት ልምዓት ስለ ዘይተዘርግሓሎም። ብፍላይ ብሕፅረት ዝስተ ፅሩይ ማይ፤ መብራህትን ኔት-ዎርክን ካልኦት መሰረተ ልምዓትን  ክረኽቡ ስለ ዘይከኣሉ ንከቢድ  ፀገም ምቅልዖም ተገሊፁ፣

     እቲ ሓበሬታ ኣስዒቡ። መብራህቲ ኣብ ሰሙን ሓደ ግዜ ከም ትመፅእን ንሱ‘ውን ብቐፃሊ ምቑርራፅ ፀገማት ከም ዘጋጥም ድሕሪ ምግላፅ፦ ኔት-ዎርክ እንተኾነ’ዉን እቲ ስርዓት ኣብ  ህዝቢ  እምነት ስለ ዘይብሉ ሰበ ስልጣን ክልላት ትግራይን ኣምሓራን ናብ’ቲ ከባቢ ዶባት ኣብ ዝንቀሳቐስሉ እዋን እቲ መራኸቢ ሰለ ዝዓፅውዎ። ህዝቢ ካብን ናብን ስርሑ ከየሳልጥ ዓቢ ዕንቅፋት ስለ ዝኾንዎ ነባሪ ህዝቢ ዓመታት ዘቑፀረ ሽግራቱ ክፍተሓሉ ንዝምልከቶም ኣካላት ኣብ ዝጠርዓሉ ድማ ግቡእ ምላሽ ከም ዘይረክብ ተፈሊጡ፣