ነበርቲ ከተማታት ባህርዳርን ደሴን ዝኾኑ ወገናትና መንግስቲ ሽኮርን ዘይትን ኣብ ዕዳጋ ከቕርበልና ኣለዎ ኢሎም ብምሕታቶም። ኣሸበርትን መለዓዓልትን ተባሂሎም ይእሰሩ ከም ዘለው ተገሊፁ፣

ብመሰረት ሓበሬታ ምንጭታና። ኣብ ክልል ኣምሓራ ከተማታት ደሴን ባህርዳርን ነበርቲ ዝኾኑ ወገናትና ኣብ ዕዳጋ ሽኮርን ዘይትን ክረኽቡ ብዘይ ምኽኣሎም። ስለ ምንታይ መንግስቲ ዘየቕርበልና ብምባል ሕቶ ኣብ ዝሓቱሉ እዋን። ደጋፊ ኣሸበርትን መለዓዓልን ብምባል ኣቶ ጌታቸው ተሰማ ዝተብሃለ ናይ ደሴ 2^ይ ብርኪ ቤት ትምህርቲ መምህር ዝነበረ ተኣሲሩ ከም ዝርከብ ምንጭታትና ኣረዲኦም፣

    ብተወሳኺ ድማ ነባሪ ከተማ ባህርዳር ዝኾነ መጣለም ፀጋየ ዝተብሃለ  ኣብዚ ቀረባ እዋን ካብ ውትህድርና ዝተሰናበተ ወገን ተመሳሳሊ ናይ ሽኮርን ዘይትን ሕቶ ስለ ዝሓተተ። ኣብ ቀበሌ 02 ተኣሲሩ ከም ዝርከብን ነበርቲ ናይቲ ቀበሌ ድማ ክፍታሕ ኣለዎ ብምባል ጥርዓኖም የቕርቡ ከም ዘለውን ተገሊፁ፣