ኣብ ምዕራብ እዝ ናይ ኦፕሬተር ምድብተኛ ዝኾነ ሓደ መኮነን ምስ ፀላኢ ተራኺብካ ብዝብል ምኽንያት ብለይቲ ተጨውዩ ከም ዝተወሰደ ተፈሊጡ፣

ብመሰረት ሓበሬታ ምንጭታትና። ብ3 መጋቢት 2007 ዓ/ም ኣብ ምዕራብ እዝ ናይ ኦፕሬተር ምድብተኛ ዝኾነ ምክትል ሓለቓ ሚኢቲ ኤብሳ ዝተብሃለ። ካብቲ ፍቑድ ሰዓት ወፃኢ ምስ ፀላኢ ተራኺብካ ተባሂሉ ልኡዃት ናይ’ቶም ላዕለዎት ሓለፍቲ። ሰዓት ክልተ ናይ ለይቲ ጨውዮም ምስ ወሰድዎ ክሳብ ሕዚ ኣበይ ከም ዘሎ ከም ዘይፍለጥ ተገሊፁ፣

   እቶም ናይቲ እዚ ኣባላት ስታፍ ግን በቲ ብዘይ ወዓሎ ገበን ተጠቂኑ ዝተጨወየ ንፁህ ወገን ከም ዝተቖጥዑ ዝገለፀ እቲ ሓበሬታ። ላዕለዎት ሓለፍቲ ሰራዊት ኢህወዴግ ግን ተቓወምቲ ውድባት ኣብ ውሽጢ ሰራዊት ኣትዮም ምውድዳባት ይገብሩ ኣለው ዝብል ስግኣት ስለ ዝሓደሮም። ንዝመርሕዎም ኣባላት ሰራዊት በብግዚኡ ኣብ ምጭዋይን ምእሳርን ተፀሚዶም ከም ዘለው እቲ ዝተረኸበ ሓበሬታ የረድእ፣