ኣብ ክልል ትግራይ ዝርከቡ ፌደረሽን ስፖርት ቀዳማይን ካልኣይን ብዝብል ተመዲቦም እናሰርሑ ዝመፁ ኣብዚ ሕዚ ግዜ ከኣ ግዕዝይና ዝመንቀሊኡ ኣብ ሓያል ምስሕሓብ ኣትዮም ከም ዝርከቡ ምንጭታትና ካብ ከተማ መቐለ ገሊፆም።

ሰብ ስልጣን ፈደረሽን ስፖርት ክልል ትግራይ ኣብ ዝኸፍአ ግጭት ኣትዮም ከም ዝርከቡ ዝገለፀ እቲ ሓበሬታ ነቲ 1^ይ ጉጅለ እናተብሃለ ዝፅዋዕ ዝመርሕ ምክትል ኮሚሽነር ፌደረሽን ስፖርት ቴድሮስ ዝተብሃለ እንትኾን ነቲ 2^ይ ጉጅለ  ድማ  ኣማኒኤል ብዝተበሃለ  ዝመራሕ ኮይኑ እቶም ኣብ ካልኣይ ጉጅለ ዝርከቡ ሰባት ነቲ ቀዳማይ ጉጅለ ንስፖርት እናተብሃለ ዝወፅእ በጀት ትበልዕዎ ኣለኹም ብዝብል ክልቲኦም ጉጅለ ኣብ ምዉንጃልን ምክሳስን ተፅሚዶም ከም ዝርከቡ ንምፍላጥ ተኻኢሉ።

ብድሕሪ እዚ እቲ ብኣማናኤል ዝምራሕ ካልኣይ ጉጅለ ብሕቡእ ጉባኤ ብምክያዱ እቶም ኣብ ቀዳማይ ጉጅለ ዝርከቡ ስለ ምንታይ ንሕና ከይፈለጥና ብሕቡእ ጉባኤ ተካይዱ ብምባል፣ ኣብ ምስሕሓብ ብምእታዎም ተዓዛቢ ማሕበረሰብ  ስፖርት ትግራይ ብወገኑ ስፖርት ትግራይ ከይዓቢ ሓሊኽኩም ሒዝኩሞ ዘለኹም ንስኻትኩም ኢኹም ብምባል መረረቱ ኣብ ምግላፅ  ከም ዘሎ እቲ ዝተረኸበ ሓበሬታ ወሲኹ ኣረዲኡ።