ኣብ ውሽጢ ከተማ ኣዲስ ኣበባ ኣብ ዝተፈላለዩ ክፍለ ከተማታት ዝርከቡ ካርድ መምረፂ ዘይወሰዱ ሰራሕተኛ መንግስቲ። ካብ ቤት ፅሕፈቶም ክእገዱ ከም ዝኽእሉን መፈራርሒ ይበፅሖም ከም ዘሎን ምንጭታትና ሓቢሮም፣

      ከም ሓበሬታ ምንጭታትና። ኣብ ከተማ ኣዲስ  ኣበባ  ኣብ ዝርከቡ ከተማታትን ወረዳታትን ካርድ መምረፂ ዘይወስዱ ሰራሕተኛታት መንግስቲ ናይ ምፍላይ ስራሕ ክካየድ ምቕናዩ ድሕሪ ምግላፅ። ብፍላይ ኣብ ኣዲስ ከተማ ክፍለ ከተማ ወረዳ 8^ተ ኣብ ኣብያተ ፅሕፈት ከተማ ልምዓትን ጥዕና ትካላትን ውሽጢ ኣብ ልዕሊ ዝርከቡ ካርድ መምረፂ ዘይወሰዱ ሰብሞያን  ሰራሕተኛታትን ብናይቲ ወረዳ ጉዳይ ዉድብ ሓላፊ ሳሙኤል ዝተብሃለ ግልፂ ዝኾነ ምፍርራሕ ከም ዝበፅሖም ተገሊፁ፣

  ከምኡውን ካርድ መምረፂ ዘይወሰዱ ናይ ወረዳ 8^ተ ጥዕና ትካላትን ቤት ፅሕፈት ከተማ ልምዓትን ሰራሕተኛታትን ሰብ ሞያን ብወገኖም ንሓምሻይ ጊዜ ዝካየድ መረፃ ትርጉም የብሉን ብምባል ከም ዘይሳተፉ ንምፍላጥ ተኻኢሉ፣