ኣብ ወረዳ ፀገዴ ፍሉይ ቦታ ግጨዉ ኣብ ዝተብሃለ ከባቢ ኣብ ዘሎ ናይ ሕርሻ መሬት ገባራት ክልትኡ ክልል ኣብ ዓብዪ ወጥሪ ተፀሚዶም ከም ዝርከቡ ካብቲ ከባቢ ዝበፀሓና ሓበሬታ ኣመልኪቱ።

እቲ ኣብ መንጎ ክልል ሓደን ክልል ሰለስተን ሓረስቶት ክንሓርስ ኢና ኣይትሓርሱን ብዝብል ከም ብሓዱሽ ብ15 ሓምለ 2007 ዓ.ም ዝተፈጠረ ባእሲ ነቲ ኩነታት ዘረጋግኡ መሲሎም ነቲ ነገር ኣብ ምግዳድ ተፀሚዶም ዝነበሩ ምልሻታት ክልትኡ ክልል ባዕሎም ንባዕሎም ተጋጭዮም ኣብ ዝወልዕዎ ልዉዉጥ ተኹሲ ካብ ኣርማጭሆ ዝመፁ ክልተ ምልሻ ከም ዝቐተሉ ንምፍላጥ ተኻኢሉ።

እቶም ዝሞቱ ምልሻ ግርማይን በላይነህን ዝተብሃሉ እንትኾኑ ነቲ ካብ ግዜ ናብ ግዜ እናተጋደደ ዝኸይድ ዘሎ ናይ ክልትኡ ክልል ግጭት ዝፈትሕ ኣካል ስለ ዘይተረኸበ  ኣብቲ ከባቢ ዝነብሩ ተጋሩ ሓረስቶት ክረምቲ እናሓለፈ ክሳብ ሕዚ ክሓርሱ ብዘይ ምኽኣሎም ኣብ ዓብዪ ማሕበራዊ ቅልዉላው ወዲቖም ከም ዝርከቡ እቲ ሓበሬታ ወሲኹ ገሊፁ።