ኣብ ክልል ዓፋር ወረዳ በራሕለ ፍሉይ ቦታ ባዳ ንዝነብር ፅጉም ህዝቢ ሓገዝ ክዉዕል ተባሂሉ ዝመፀ እኽሊ። ኣመሓደርቲ እቲ ወረዳ ሽይጦም ከም ዘጠፋፍእዎ ተፈሊጡ፣

   ኣብቲ ከባቢ ዝርከቡ ምንጭታትና ከም ዝገለፅዎ። ኣብ ክልል ዓፋር ወረዳ በረሓለ  ፍሉይ ሽሙ ባዳ ኣብ ዝተብሃለ ቦታ ዝነብር ዝተፀገመ ማሕበረሰብ ብሓገዝ ንኽዕደል ካብ ገበርቲ ሰናይ ትካላት ዝተረኽበ እኽሊ። ካብ ሰበ ስልጣን እቲ ወረዳ ሓደ ዝኾነ መሓመድ ኣሕመድ ንፀጥታ ስራሕ ክንጥቀመሉ ብምባል ልዕሊ 60 ኲንታል ሸይጡ ምስ መሳርሕቱ ተማቒሉ ኣብ ዉልቃዊ ረብሕኡ ከም ዘዉዓሎ። ንናይ ዓይኒ መሰኻኽር መሰረት ብምግባር ምንጭትታና ኣቃሊዖም፣

    ኣስዒቡ እቲ ሓበሬታ። ነቲ ስሱዕ ተግባር ኣመሓደርቲ ዝተዓዘቡ ኣካላት ሕብረትሰብ እቲ ከባቢ ድማ ንፅጉም ህዝቢ ተባሂሉ ዝመፀ እኽሊ መሓመድ ኣሕመድ ኣየር ብኣየር ሸይጡ ምስ መሳርሕቱ ተማቒሉ በሊዕዎ ክብሉ ናብ ዝምልከቶ ኣካል ክሲ ኣብ ዘቕረብሉ። ሓለፍቲ ፖሊስ ኣሲርናዮ ኣለና ክነፃርዮ ኢና ዋላ’ኳ እንተበሉ እቲ በዓል ስልጣን ግን ይትረፍ ክእሰር ስሒቡ ዝሓተቶ ኣካል ከም ዘየለ ተፈሊጡ፣