ኣብ ከተማ ደብረ ማርቆስ ናይ መኪና መንጃ ፍቓድ ንምዉፃእ ኣብ ዉልቀ መሰልጠኒ ማእኸላት ክስልጥኑ ዝፀንሑ ወገናት ንፈተና መእተዊ ጉቦ ይጥየቑ ከም ዘለዉ ተሓቢሩ።

   ኣብ ከተማ ደብረ ማርቆስ ዝርከቡ ናይ ተሽከርከርቲ መሰልጠኒ ማእኸላት ንብርክት ዝበሉ እዋናት ክስልጥኑ ዝፀንሑ ናይ ምምራሕ መኪና ተምሃሮ ስልጠንኦም ወዲኦም መምርሒ ወረቐት ክወሃቦም ንመግስቲ ኣብ ዝሓቱሉ እዋን ካድረታት እቲ ገዛኢ ስርዓት ምስ ፖሊስ ትራፊክ ብምዃን ብቕዓት ወረቐት ክወሃበኩም እንተደሊኹም ነብሲ ወከፍኩም ካብ 2^ተ ሽሕ ብር ንላዕሊ ክትከፍሉ ኣለኩም ዝብል መልእኽቲ ብሕቡእ ዘመሓላለፉ እንተኾኑ ነዚ ክፍፅሙ ዘይከኣሉ ግና ዋላ ኣብ ፈተና ፅቡቕ ውፅኢት እንተምፅኡ ክወድቁ ይገብሩ ከም ዘለዉ ንምፍላጥ ተኻኢሉ።

   ብኻሊእ መዳይ ድማ ምንም ብቕዓት ንዘይብሎም ደቂ ሃፋትም ካብ’ቲ ዝተጠየቕዎ መጠን ገንዘብ ንላዕሊ ጉቦ  ብምኽፋል ብዘይ ዝኾነ ዉፃእ ዉረድ መንጃ ፍቓድ ይወሃቦም ከም ዘሎ ኣብቲ ቦታ ዝርከቡ ምንጭታትና ገሊፆም።