ካድረታት ገዛኢ መደብ ህወሓት-ኢህወዴግ ኣባላት ውድብ ንኽትኮኑ ብምባል ኣገዲዶም ሓደሽቲ ሰባት እናመልመሉ ስልጠና ኣብ ምሃብ ተፀሚዶም ከም ዘለው ተገሊፁ።

 ብመስረት ሓበሬታ ምንጭታትና ከም ዘመላኽቶ ኣብ በብወረድኡ ዝርከቡ ኣመሓደርቲ ህወሓት-ኢህወዴግ ኣባላት ውድብ ታሕተዎት ኣመራርሓ ንኽትኮኑ ብምባል ኣገዲዶም ሓደሽቲ ሰባት ብምምልማል ን19 መዓልቲ ዝኣክል ናይ ካድረ ትምህርቲ ከሰልጥንዎም ከም ዝቐነዩ ተፈሊጡ፣

 ዝርዝር ናይቲ ስልጠና ኣጀንዳታት ድማ ኣብ ኣርባዕተ ዝተኸፈለ እንትኾን

1 ብዛዕባ ታሪክ ውድብ ዝምልከት

2 ናይ ከተማ ልምዓት ምስ ናይ ተሃድሶ ምትሕሓዙ

3 ታሕተዋይ ኣመራርሓ ክበፅሖ ዝግበኦ ደረጃ

4 (በንች-ማርክ) Benchmark ማለት እንታይ ማለት እዩ? ዝብሉ ኮይኖም 4^ተ ኣሰልጠንቲ ተመዲቦምሎም 1,227 ሰባት ኣብ ክልተ ቦታ ተኸፊሎ ካብ ዕለት 21 ሓምለ 2006ዓ/ም ክሳብ 8 ነሓሰ 2006 ዓ/ም ክስልጥኑ ከም ዝቐነዩን እቲ ስልጠና ገና ክቕፅል ከም ዝኾነን እቲ ሓበሬታ ወሲኹ የረድእ።