ኣብ ክልል ትግራይ ዝርከቡ መናእሰይ ብኣስገዳድ ናይ መረፃ ካርዲ ንክወስዱ ይግደዱ ምህላዎም ተገሊፁ፣፣

ካብ ዝተፈላለዩ ከባቢታት ትግራይ ዝመፀና ሓበሬታ ከም ዘመላኽቶ  ነቲ በቲ ስርዓት ኣብ መፃኢ ወርሒ ግንቦት 2007  ክካየድ ዝሕሰብ ዘሎ ምስሉይ መረፃ ሰለ ዘይኣመነሉ መንእስያት ክልል ትግራይ መምረፂ  ካርዲ ኣይንወስድን ስለ ዝበሉ ብካድረታት ህወሓት “ጃሱሳት” ዝብል ቅፅል ሽም ተዋሂብዎም ይፅረፉን ይፈራርሑን ምህላዎም ተፈሊጡ።

    እዞም መንእስያት ካርዲ መረፃ ኣይንወስድን፤ ኣይንመርፅን ምባል መሰልና እዩ፤ ዕድመ ስልጣንኩም ከተናውሑ ብምሕሳብ ነቶም ህዝቢ ዝድግፎም  ኣባላት ተቓወምቲ ውድባት ትኣስርዎም ስለ ዘለኹም እንመርፆ የብልናን ኣይተገዱዱና ብምባል ተቓውሞኦም የስምዑ ምህላዎም እቲ ሓበሬታ ወሲኹ ገሊፁ።