የ22ኛ ክፍለ-ጦር አባል የሆነውና መጋቢት 28 ቀን 2006 ዓ/ም ለተገደለው ወታደር በማስመልከት ገዳዩ ተይዞ ለምን ወደ ፍርድ አይቀርብም ብለው ለጠየቁ የሰራዊቱ አባላት አድማ አነሳሳታቹሃል ተብለው በላያቸው ላይ አስተዳደራዊ በደል እየደረሰባቸው መሆኑ ተገለፀ።

በ22^ኛ ክፍለጦር በስታፍ ውስጥ እየሰራ የነበረው መቶ አለቃ ደረጀ ካሳየ የተባለው መኮንን መጋቢት 28/ 2006 ዓ/ም የተገደለ ሲሆን አባላቱ ገዳዩ ተይዞ ለምን ወደ ፍርድ አይቀርብም ብለው ቢጠይቁም ጉዳዩ ተደበስብሶ እንዲቀር የሚፈልጉ የክፈለጦሩ አዛዦች ግን ጥያቄ ላቀረቡ አባላት አድመኞች በሚል ምክንያት ከወር ደሞዛቸው 5% ቀጥተው ከነበሩበት ክፍል አስወጥተው እንደበተንዋቸው ለማወቅ ተችለዋል።

   በመረጃው መሰረት እነዚህ ዴሞክራሲያዊ ጥያቄ በማቅረባቸው ብቻ አድመኞች ተብሎው የተቀጡና ከክፍላቸው ወጥተው እንዲበታተኑ የተደረጉ የሰራዊት አባላት መቶ አለቃ አስራት ተሾመ፤ አስራ-አለቃ አቡ ማርቆስና ሌሎችም እንደሆኑና የተወሰደው እርምጃም በመላው የክፍለጦሩ የሰራዊት አባላት መነሳሳት እንዳስከተለ መረጃው አክሎ እስረድተዋል።

   ይህ በእንዲህ እንዳለ ሻለቃ መብራህቱ የተባለው የ 8^ኛ ሜካናይዝድ የመረጃ ሃላፊ ሰራዊቱን በማነሳሳትና ጥይት በመሸጥ ውንጀላ ተከሶ አዲ ኮኾብ በተባለው የእዙ እስርቤት ውስጥ ታስሮ እንደሚገኝ ከእስርቤቱ ውስጥ ከተገኘው መረጃ ለማወቅ ተችለዋል።