ኣብ ከተማ ኮሮም ህዝቢ ዘበሳብስ ዝነበረ ዕሉል ካድረ ናይቲ ስርዓት መንነቶም ብዘይ ተፈለጡ ሰባት ተቐቲሉ ከም ዝሓደረ ተፈሊጡ።

ምንጭታትና ከም ዝሓበርዎ ኣብ ዞባ ደቡብ ትግራይ ነባርነቱ ከተማ ኮሮም ዝኾነ የዋግነህ በለጠ ዝተብሃለ ህዝቢ ዘበሳብስ ዝነበረ ዕሉል ካድረ ብ21 ጥሪ 2007 ዓ/ም ለይቲ ካብ ከተማ ኮሮም ናብ ኣላማጣ ዝወስድ መንገዲ ብካራ ተወጊኡ ሞይቱ ከም ዝተረኽበ ንምፍላጥ ተኻኢሉ።

    እቲ ዝሞተ ምልሻ በቲ ስርዓት ቀንዲ ተኣማናይ ከም ዝነበረን እንተኾነ ግን ህዝቢ ከበሳብስ ስለ ዝፀንሐ ተወለድቲ ናይቲ ከባቢ ይፍክሩሉ ምንባሮም ድሕሪ ምግላፅ ምክልኻል ሰራዊት ሞይቱ ምስ ረኸብዎ እቲ ኣስካሬን ንክምርመር ናብ መቐለ ከም ዝተወሰደን ብተወሳኺ ድማ ፖሊስ እታ ከተማ ምስቲ ምልሻ ፅልኣት ነይርኩም እዩ ብምባል ንፁሃት ሰባት ብጥርጣረ ይኣስሩ ከም ዘለዉ ይግለፅ ኣሎ።