ኣብ ሽሬ እንዳስላሴ ዝርከብ ቤት ማእሰርቲ ብእሱራት ኣዕለቕሊቑ ከም ዘሎ ምንጭታትና ካብ’ታ ከተማ ገሊፆም፣

  ብመሰረት ሓበሬታ ምንጭታትና። ኣብ ዞባ ስሜናዊ ምዕራብ ትግራይ ከተማ ሽረእንዳስላሴ ዝርከብ ቤት ማእሰርቲ። ካብ ዓቐን ንላዕሊ ብእሱር ተጨናኒቑ ብምህላው። ንነዊሕ ዓመታት ዝተኣሰሩ ብዙሓት እሱራት ተወለድቲ ናይቲ ከባቢ። ብ23 ለካቲት 2007 ዓ/ም ናብ ኣኽሱም፤ ዓዲ ግራትን መቐለን ክሰድዎም ከም ዝወዓሉ ተፈሊጡ፣

  ካብቶም ናብ ካልኦት ቤት ማእሰርቲ ዝተሰዱ እሱራት ንገሊኦም ንምጥቃስ። ጌታቸው ገብረኣነንያን ንሞት ዝተፈርደ ጥላሁን በራኺ ዝተብሃሉን ካልኦትን ዝርከብዎም ኣዝዮም ብዙሓት እንትኾኑ። እቶም እሱራት ብወገኖም ብዘይ ሕጋዊ ተኣሲርና እናሃለና ሕዚ ድማ ቤተሰብና ብቐረባ ንከይረኽቡና  የጥፍኡና ኣለው ብምባል መረረቶም ከም ዘስምዑ ተገሊፁ፣