ነበርቲ ከተማ ዓድዋ ፋምፕሌት ዴምህት ሒዝኩም እናተበሃሉ ብዕጡቛት እናተሃድኑ ይእሰሩ ከም ዘለዉ ካብቲ ከባቢ ዝተረኸበ ሓበሬታ ኣመልኪቱ።

ኣብ ዞባ ማእኸል ትግራይ ነበርቲ ከተማ ዓድዋ ፋምፕሌት ዴምህት ሒዝኩም፤ ኣንቢብኩምን ጎስጓስ ኣካይድኩምን እናተብሃሉ ይእሰሩ ምህላዎም ድሕሪ ምግላፅ ካብ’ቶም ዝተስሩ ነበርቲ ኣይተ ብርሃነ ፋሎ፤ብማንዴላ ብዝብል ሳጓ ዝፍለጥ ካልኦት ከም ዝርከብዎም ተገሊፁ።

  እቶም ተኣሲሮም ዘለዉ ዜጋታት ዕለታዊ ስረሖም ኣብ ምስላጥ እናሃልዉ ብ8 ለካቲት 2006 ዓ/ም ብዕጡቛት እቲ ስርዓት ተታሓዞም  ናብ ቤት ማእሰርቲ ከም ዝተዳጎኑ ዝገለፀ እቲ ሓበሬታ  ንምንታይ ከም እተኣሰሩ ንኽንገሮም ኣብ ዝሓትሉ እዋን ፋፕሌት ዴምህት ሒዝኩም ነይርኩም ብምባል ከም ዝኾነ እቲ ዝመፃና ሓበሬታ  ኣረዲኡ።

ስርዓት ህወሓት ኢህወዴግ እቲ ወገነይ እዩ ናሃተይ እዩ እናበለ ዝምከሀሉ ግን ከኣ ምንም ዓይነት ረብሓ ህዝቢ ዘየረጋገፀ ኣብ ልዕሊ ህዝቢ ከምዚ ዝበለ በደልን ግፍዒን ምፍፃሙ መግለፂ እቲ ስርዓት እዩ ክብሉ ገለ ገለ ወገናት ከተማ ዓድዋ ይዛረቡ ከምዘለው እቲ ዝተረኸበ ሓበሬታ የረድእ።