ኣብ ዞባ ሴሜናዊ ምዕራብ ትግራይ ከተማ ሽረ ዝርከቡ ኣመሓደርቲ ኣብ መንጎ ወነንቲ ቤት መሰተ ብምእታው ሕድ ሕዶም የናቑትዎም ከምዘለዉ ምንጭታትና ካብታ ከተማ ዝለኣኽዎ ሓበሬታ ኣመልኪቱ።

   ብመሰረት ሓበሬታ ምንጭታትና ኣማሓደርቲ ከተማ ሽረ ኣብ መንጎ ኣከፋፈልቲ በደሌን ዳሽንን ቢራታት ዝኾኑ ነጋዶ ናተይ ይበልፅ ናተይ ይበልፅ ተባሃሂሎም ክባእሱ ይገብሩ ምህላዎም ድሕሪ ምግላፅ ብሰንኪ እቲ ባእሲ ድማ ብ12 ነሓሰ 2006 ዓ/ም ኣብ ልዕሊ ህይወት ሰብ ናይ ሞት ሓደጋ ከም ዘጋጠመ ተገሊፁ።

   ብሰንኪ እቲ ምስሕሓብን ባእስን ኣይተ ደገፍ መኮነን ዝተብሃለ ነባሪ ቀበሌ 03 ብኣይተ ግደይ ካሓሳይ ነባርነቱ ቀበሌ 04 ብዝኾነ ወልቀ ሰብ ከም ዝተቐትለ እቲ ዝበፅሓና ሓበሬታ ኣመልኪቱ።