ብደረጃ ክልል ትግራይ ዝርከቡ ምልሻታት ስልጠና ይወሃቡሉ ኣብ ዘለውሉ እዋን ነቲ ስልጠና ስለ ዘይተቐበልዎ ብሓደሽቲ ምልሻ ንምትካእ ሰፊሕ ወፍሪ ይካየድ ምህላዉ ተሓቢሩ።

ምንጭታትና ካብ ዝተፈላለዩ ከባቢታት ከም ዝሓበርዎ ላዕለዎት ሰበ ስልጣን ህወሓት-ኢህወዴግ ኣብ ክልል ትግራይ ዓጢቖም ዝፀንሑ ነባራት ምልሻ ወተሃደራዊ ስልጠና ክወሃቦም ብዘዉረድዎ ትእዛዝ መሰረት በብወረድኡ ዝርከቡ ካድረታት ልምምድ ምሃብ ኣብ ዝጀመሩሉ እቶም ምልሻ እንታይ ስለ ዘጋጠመ ኢና ብተብተብ ንስልጥን ዘለና? ብምባል ሕቶ ኣብ ዘልዓሉ ዝመፅእ ፀላኢ ኣሎ ክብሉ ምላሽ ከም ዝሃብዎም ተፈሊጡ።

    እቲ ሓበሬታ ኣስዒቡ ከም ዘረድኦ እቲ ዝተዋህበ ምላሽ ዘይተዋሕጠሎም መብዛሕትኦም ምልሻ እዙይ ትብልዎ ፀላኢ ኣይንፈልጦን ብረትኩም ተቐበሉና ብምባል ብረቶም ደርብየምሎም ይኸዱ ከም ዘለዉ ድሕሪ ምግላፅ በዚ ዝተደናገፁ ሰበ ስልጣን ገዛኢ ጉጅለ ድማ ሓደሽቲ ምልሻ ተመልሚሎም ስልጠና ክወሃቦም ብዘዉረድዎ መምርሒ መሰረት ሰፊሕ ምዕጣቕ ምልሻ የካይዱ ከም ዘለዉ ንምፍላጥ ተኻኢሉ።