ኣብ ሰራዊት ምክልኻል ኢህወደግ ማእኸላይ እዝ ዘሎ ናይ ምሕደራ ሽግር እናኸፍአ ይኸይድ ብምህላዉ እቲ ሰራዊት ሓያል ሕቶታት የቕርብ ከም ዘሎ ካብቲ እዚ ሊሒኹ ዝወፀ ሓበሬታ ገሊፁ።

    ኣብ ማእኸላይ እዝ ካብ 11 ክሳብ 18 ለካቲት 2007 ዓ/ም ብዛዕባ ዉሽጣዊ ምሕደራ  እቲ እዚ ዝምልከት ኣኼባ ከም ዝተኻየደ ዝገለፀ እቲ ሓበሬታ ኣብቲ ኣኼባ ካብ ዝተላዕሉ ብሰፊሑ ናይ ምሕደራ ሽግራት ከምዘሎን ኣብ ደመወዝና ውሑዱ ብምዃኑ መነባብሮናን መነባብሮ ቤተሰብናን ክንመርሕ ኣይከኣልናን  ካልእስ ይትረፍ እቲ ደመወዝና ዝበሃል እውን ንሓንቲ መዓልቲ’ዉን  ክሽፍነልና ኣይክኣልናን ክብሉ ፀገሞም ከም ዝገለፁ ተሓቢሩ።

    ወሲኹ እቲ ሰራዊት እቶም በብእዋኑ ዘቕረብናዮም ፀገማት ስለምንታይ መፍትሒ ዘይግበረሎም? ክብሉ ዝሓተቱ እንትኾኑ ካልእ ድማ ኣብቲ ሰራዊት ካብ ናይ 24^ተን ስዓታት ጀሚሩ ክሳብ ዓመታዊ ፍቓድ  ተኸልኪሉ ብምህላዉ እቲ ሰራዊት ድማ ስለምንታይ  ተኸልኪልና ኢሉ ኣብ ዝሓተሉ እዋን ብመራሕቲ እቲ ኣኼባ ግቡእ መልሲ ክረክብ ከም ዘይክኣለ ክፍለጥ ተኻኢሉ።