ኣብ ክልል ኦሮምያ ከተማ ለቀምቲ ዝርከብ ዩኒቨርሲቲ ካብ ዝዕፆ ልዕሊ ሰሙን ከም ዘቑፀረ ምንጭታትና ካብቲ ቦታ ዝለኣኹዎ ሓበሬታ ኣረዲኡ።

ብመሰረት ሓበሬታ ምንጭታትና፣ ኣብ መላእ ክልል ኦሮምያ ኣብ'ዚ ሕዚ እዋን ኣንፃር እቲ ዓፋኒ ገዛኢ ስርዓት ኢህወደግ ዘነፃፀረ ተቓውሞታት ተጠናኺሩ ይቕፅል ከም ዘሎ ዝፍለጥ ኮይኑ፣ ናይ'ዚ መቐፀልታ ድማ ኣብ ከተማ ለቀምቲ ዝርከብ ዩኒቨርሲቲ ብዝተልዓለ ናይ ተምሃሮ ተቓውሞ ምኽንያት እቲ ዩኒቨርሲቲ ካብ ምምሃር ምስትምሃር ጠጠው ካብ ዘብል  ልዕሊ ሰሙን ከም ዘቑፀረ ምንጭታትና ካብቲ ቦታ ዝለኣኹዎ  ሓበሬታ ክፍለጥ ተኻኢሉ።

እቲ ዝተረኸበ ሓበሬታ ወሲኹ ከም ዘርድኦ፣ በቲ ዝተልዓለ ተቓውሞ ተምሃራይ ተኣምሩ ዝተብሃለ ኣብ'ቲ ዩኒቨርሲቲ ናይ ክልተ ዓመት ኢንፎርመሽን ቴክኖሎጂ ተምሃራይ ፖላዊስ ሒዞም ግፍዓዊ ዳብዳብን መግረፍትን ኣብ ልዕሊኡ ብምውራድ ክልቲኡ ዓይኑ ከም ዘጥፍእዎ ተፈሊጡ።