ኣብ ክልል ኣምሓራ ኣብ ዙርያ ባህርዳር ዝርከቡ ናይ ምዕራብ እዚ ሰራዊት ምስ ወተሃደራት ሱዳን ኣብ ዝገበርዎ ግጭት ወተሃደራት ኢትዮጵያ ግዳይ ምዉታትን ቁሱላትን ከም ዝኾኑ ተገሊፁ።

ምንጭታትና ዝልኣኽዎ ሓበሬታ ከም ዘመላኽቶ፣ ኣብ ክልል ኣምሓራ ዝርከቡ ናይ ምዕራብ እዚ ሰራዊት ምስ ወተሃደራት ሱዳን ብ11 መጋቢት 2008 ዓ/ም ስዓት 11 ናይ ለይቲ ኣብ ዝተፈጥረ ግጭት፣ 6 ናይ ኢትዮጵያ ወተሃደራት ሞይቶም ካልኦት ብርክት ዝበሉ እንትቖስሉ፣ ከምኡ እውን ነበርቲ ናይ'ቲ ከባቢ ዝኾኑ ኣይተ ደመቀ በላቸዉን ፍስሃ ፀጋዉን ዝተብሃሉ 2ተ ስቪላት ወገናት እውን በቲ ግጭት ከም ዝተቐተሉ እቲ ሓበሬታ ኣረዲኡ።

ኣብ መንጎ ክልቲአን ሃገራት ንብርክት ዝበለ ዓመተታት ዝፀንሐ ግጭት ኣብዚ ሕዚ ስዓት ድማ ሰራዊት ኢትዩጵያ ምስ  ወተሃደራት ሱዳን  ኣብ ከቢድ ወጥሪ ኣትዮም ስለ ዝርከቡ፣ ሰበ ስልጣን ኢህወዴግ ድማ በቲ ተፈጢሩ ዘሎ ህውከት ተጨናኒቖም ከም ዘለው ካብቲ ሓበሬታ ንምፍላጥ ተኻኢሉ።