ኣብ ፋብሪካ መሰቦ ሲሚንቶ ንዓመታት ክሰርሑ ዝፀንሑ ሰራሕተኛታት ምኽንያቱ ብዘይተፈለጠ መንገዲ ይባረሩ ከም ዘለዉ ምንጭታትና ካብቲ ከባቢ ሓቢሮም፣

እቶም ሰራሕተኛታት ኣብ ላጭን ገምበላን ኣብ ዝተበሃለ ቦታ ዝነበረ መንበሪ ገዝኦምን ሕርሻ መሬቶምን ተመንጢሎም ናብ ዉሽጢ እቲ ፋብሪካ ኣብ ዝኣተወሉ እዋን ግቡእ ካሕሳ ዘይረኸቡ ኮይኖም። ኣብ ክንድኡ ዓቕሞም ብዝፈቐዶ ኣብቲ ፋብሪካ እናሰርሑ መነባብርኦም ክመርሑ ብዝተኣተወሎም መብፅዓ መሰረት ተቖፂሮም ክሰርሑ ዝፀንሑ እንትኾኑ። ንምንታይ ይባረሩ ኣለዉ ከይተነፀረሎም ኣብዚ ሕዚ ግዜ ስንብታ ስራሕ ይወሃቦም ከም ዘሎ ንግዳያት መበገሲ ብምግባር  ዝበፀሓና ሓበሬታ ገሊፁ፣

እቶም ግዳያት እቲ ፋብሪካ ካብ ዝተተኸለሉ ኣትሒዞም ካብ ዝተሓተ ስራሕ ዋርድያ ጀሚሮም ኣብ ዝተፈላለዩ ዓዉዲ ስራሕ ናይ’ቲ ፋብሪካ ተዋፍሮም ንዓመታት ከገልግሉ ኣብ ዝፀንሕሉ እዙይ ጥፍኣት ኣለኩም ተባሂሎም ዘይፈልጡ ኮይኖም። ሐዚ ብሃንደበት ብዘይ ዝኾነ ድጎማን ናይ ጡሮታ ኣበልን ይባረሩ ስለ ዘለዉ ንባዕሎምን  ስድርኦምን ዝመርሕሉ ናይ ሕርሻ መሬት ይኹን ስራሕ ብዘይምርካቦም ኣብ ፀገም ወዲቖም ከም ዝርከቡ እቲ ዝተረኸበ ሓበሬታ ወሲኹ ኣረዲኡ፣