ሰበ ስልጣን ክልል ትግራይ ኣብ ከተማ መቐለ ንዝርከቡ መንእስያት ብሽም ፎሮም ወይከዓ ሊግ መናእሰይ ፀዊዖም ዘካይድዎ ኣኼባ ብዘይምርድዳእ ከም ዝተበተነ ተሓቢሩ፣

ኣካላት ምምሕዳር እቲ ስርዓት ብ3 ሕዳር 2006 ዓ/ም  ንመንእስያት ከተማ መቐለ  ፎርም  ወከዓ ሊግ መናእሰይ ዝብል ውዳበ ኣቋቚሞም ኣብ ዝፀዉዕዎ ኣኼባ ዝተረኸቡ መንእስያት  በበተራ ኣብ ዘስምዕዎ ዘረባ።  መራሕቲ ህወሓት-ኢህወዴግ ብኣፍኩም ስልጣን ናብ መንእስያት ወለዶ ክነሰጋግሮ ኢና ትብልዎ መተዓሻሻዊ  ዘይትግበር መብፀዓ ከኣክል። ሕዚ ከዓ መልክዕኹም ብናህና ተሳትፎ ዕድመ ስልጣንኩም ንምንዋሕ እትገብርዎ ዘለኹም ፃዕሪ ነቒሕናሉ ክብሉ ብሓደ ድምፂ ዝተቓወምዎ  ተፈሊጡ፣

 እቶም መንእስያት  ወሲኾም።  ተማሂርና ወለድና ፃማ ከይኸፍሎም  ብሰንኪ ስራሕ ስእነት ተመሊስና ሸከም ወለድናን ኣብ ዘየድሊ ስፍራ ክንውዕል ተገዲድናን ኣብ ዘለናሉ። ብጉልበትና ገለ ዕለታዊ መግብና ከይንእልሽ ድማ ኣኼባ እናበልኩም ኣይተሸጉርና ብምባል ነቲ ኣኼባ ረጊፆሞ ከም ዝወፁ ካብቲ ሓበሬታ ንምፍላጥ ተኻኢሉ፣

 ነቲ ኣኼባ ዝመርሕ ዝነበረ  ልኡኽ እቲ ስርዓት ኣይተ ኪሮስ ቢተው እንትኾን። ነቶም ተኣኪቦም ዝነበሩ መንእስያት እዚ እትዛረብዎ ዘለኹም ኣበሃህላ ብውድብ ዓረና ካልኦት ተቓወምቲ ዉድባትን ኢኹም ትደግምልና ዘለኹም እናበለ ኣፈራርሑ ካብቲ ኣኼባ ንኸይወፁ ዝገበሮ ፈተነ ክሰልጦ ከም ዘይከኣለ ተፈሊጡ፣

 ብካልእ ወገን ኣብ ዞባ ሰሜን ምዕራብ ትግራይ ወረዳ ሸራሮ ዝርከብ ማይክሮ ፋይናንስን ፍትሓዊ ልቓሕ ደደቢትን ዝበሃል ዝነበረ ቤት ፅሕፈት ስርሑ ስለ ዘቋረፀ። ኣብቲ ትካል ገንዘቦም ዘቐመጡ ዜጋታት   እንታይ ክገብሩ ከም ዝኽእሉ ሓበሬታ ዝህቦም ኣካላ ስለ ዝሰኣኑ ኣብ ኪቢድ ስግኣት ወዲቖም ኣብቲ ከባቢ ቤት ፅሕፈት ኮለል ክብሉ ይውዕሉ ምህላዎም ካብቲ ቦታ ዝበፅሓና ሓበሬታ ገሊፁ፣