ላዕለዎት መኮንናት ሰራዊት ኢሕወዴግ ኣብ’ቲ ስርዓት ዘለዎም እምነት እናንቆልቆለ ይኸይድ ሰለ ዘሎ ንስራሕ ተባሂሉ ዝተዋሃቦም ኣፅዋር ኣብ ምሻጥ ምውፋሮም ተገሊፁ።

      ካብ’ቶም ኣብ መሸጣ ኣፅዋራት ዝተዋፈሩ መኮንናት ናይ መበል 22 ክፍለ ሰራዊት ኣባላት ሻምበል ዮሃንስ ኣማረን ሓለቓ ሚኢቲ ብርሃኑ መገርሳ ዝተብሃሉን ካልኦትን እንትኾኑ ንሳቶም ካብ መኽዘን ኣፅዋራት ኣዉፂኦም ብፃዕዳ ፓትሮል  ታርጋ ቑፅሪ 65028 መ.ከ. ብዝዓይነታ መኪና 7 ሽሕ ጥይትን 15 ብረት ክላሽንን ፂዕኖም ኣብ ዝጓዓዝሉ እዋን ደባርቕ ኣብ ዝተብሃለ ከተማ እንትበፅሑ ከም ዝተትሓዙ እቲ ዝመፀና ሓበሬታ ኣመልኪቱ።

   እቲ ሓበሬታ ኣስዒቡ ነቲ ክሸጥዎ ዝፀዓንዎ ኣፅዋር ንከይንቃሓሎም ኣብ  ናይ ሬሳ ሳንዱቕ ዓሺጎም ከሕልፍዎ ኣብ ዝፈተንሉ ኣብ ደባርቕ ምስ በፅሑ ንመሻርኽቶም ኣይተ ኣብርሃ በረሀ ወዲ ዓዲ ዳዕሮ ምስ ሸጥሉ ብዝተገበረ ክትትል  ሸየጥትን ዓዳግን ክትሓዙ ከም ዝኸኣሉ ተፈሊጡ።