ስርዓት ወያነ ኢህወዴግ ብዝኽተሎ ዘሎ ዓሌታዊ ኣገዛዝኣ ምኽንያት ብ25 ጉንበት 2006 ዓ/ም ኣብ ክልል ኦሮሚያ ክነብሩ ዝፀንሑ ሰለስተ ተጋሩ ከም ዝተቐተሉ ተፈሊጡ።

ብመሰረት ሓበሬታ ምንጭታትና እቶም  ኣብ ክልል ኦሮሚያ ባሌ ጎባ ኣብ ዝተብሃለ ቦታ ብስራሕቲ ንግዲ ዝመሓደሩ ዝነበሩ ተወለድቲ ትግራይ ዝኾኑ ኣሰፋ ገብረመስቀል፤ ገብረማርያም ሓጎስን ኣሸናፊ ክፍሎምን ዝተብሃሉ ክሳብ ሕዚ ቀታሊኦምን ምኽንያት መቕተሊኦምን ንምፍላጥ  ከም ዘይተኸኣለ እቲ ዝተረኸበ ሓበሬታ ኣመልኪቱ።  

   

  እቲ ሓበሬታ ወሲኹ ከፋፋሊ ምሕደራ ስርዓት ኢህወዴግ ብሄር ብሄረ ሰባት ሃገርና ከይሓብሩ ካብ ዘለዎ ስግኣት ባዕሉ ብዘዋደዶ ዘይሓልፍነታዊ ሽርሒ ሰባት ብምቕንፃል ባዕሎም ንባዕሎም ብዓይኒ ጥርጣረ ክጠማመቱን ሓድነቶም ክብተኽን ኣብ ክንዲ ሃገራዊ ኣተሓሳስባ ክልላዊ ሓተሓሳስባ ክነግስ ብምግባር ዕድመ ስልጣኑ ከናውሕ ዝገብሮ ዘሎ ስውር ተግባር ምኳኑ ገለ ግዱሳት ወገናት የረድኡ።