ነበርቲ ከተማ ዓዲ ሃገራይ ዝኾኑ 4ተ ሰብ ሃፍቲ ካብ ምክልኻል ሰራዊት ወተሃደራዊ ኣፅዋር ትገዝኡ ኢኹም ብዝብል ሰበብ ብ3 ሰነ 2006 ዓ.ም ከምዝተኣሰሩ ምንጭታትና ሓቢሮም።

እዞም ኣብ ዞባ ሰሜናዊ ምዕራብ ትግራይ ወረዳ ታሕታይ ኣድያቦ ከተማ ዓዲ ሃገራይ ብሕጋዊ ንግዲ ስራሕ ዝመሓደሩ ሰብ ሃፍቲ ጥይትን ብረትን ካብ ምኽልኻል ሰራዊት ትገዝኡ ኢኹም ከምኡ’ዉን ብኮንትሮባንድ መድለይ ወርቂ ማሽን ኣእቲኹም ብዝብሉ ርትዓዉነት ብዘይብሎም ምኽንያታት ኣብ ፖሊስ ጣብያ ዓዲ ሃገራይ ተኣሲሮም ይሳቐዩ ከም ዘለዉ ንቤተሰብ ግዳያት መሰረት ጌሩ ዝበፀሓና ሓበሬታ ኣረዲኡ።

እቶም ኣብ ዓዲ ሃገራይ ተኣሲሮም ዝሳቐዩ ዘለዉ ዜጋታት

1.      ቀሺ በየነ

2.      ኣዲስ ኣለም ኣዘናዉ

3.      ሃፍተ ገብረሂወትን

4.    ጉዕሽ ገብረዋህድን ዝተበሃሉ እንትኾኑ ሓላፊ ፖሊስ ጣብያ ዓዲ ሃገራይ ምክትል ኮማንደር ኣያሁነይ በቲ ተኣሲሮምሉ ዘለዉ ናይ ፈጠራ ክሲ ፈሪሖም ጉቦን ጥቕማጥቕምን እንተሃቡኒ ካብ ዝብል ስሱዕ ባህሪኡ ብፍሉይ ሒዙ የሳቕዮም ከም ዘሎ ካብቲ ዝተረኸበ  ሓበሬታ ንምፍላጥ ተኻኢሉ።