ብመሰረት ሓበሬታ ምንጭታትና ኣብ ወረዳ ከናማ
ዝነብር ሕብረተሰብ ካብ ዘስምዖ ዘሎ ሕቶ ኣብ ከባቢና ይስራሕ ኣብ ዘሎ ፅርጊያ ቀዳምነት ዕድል ስራሕ ክንረክብ ዘለና ንሕና
ተወለድቲ ዓፋር ክንከውን እናተገበአ ካብ ካልኦት ከባቢታት ዝመፁ ቀዳምነት ክሰርሑ ምግባር ኣገባብ ኣይኮነን ብህፁፅ ክወፁልና
ኣለዎም ክብሉ ሓያል ተቓዉሞየካይዱ ከም ዘለዉ ተገሊፁ፣፣
እቶም ተወለድቲ ዓፋር ኣብ ልዕሊ ተወለድቲ
ካልኦት ክልል ዝኾኑ መዓልታዊ ሰራሕተኛታት ፅርጊያ ኣልዒሎሞ ዘለዉ
ተቓዉሞ ዉፅኢት ከፋፋሊ ስርዓት ኢህወዴግ ኮይኑ ነባሪ ህዝብን ምልሻን ወረዳ ከናማ ብሓደ ተሓባቢሮም በቲ ከባቢ ዘቋርፅ መንገዲ
ስለ ዝዓፀውዎ ሰብ መካይን ይኹኑ እግረኛታት ካብ ናብን ተንቀሳቒሶም ስራሕቶም ከሳልጡ ከም ዘይከኣሉ ተፈሊጡ፣፣
እዚ ከምዚ ኢሉ እንከሎ ኣብ ስራሕቲ ፅርጊያ
ክልልና ቀዳምነት እቲ ዕድል ንተወለድቲ ዓፋር ክዋሃቦም ኣለዎ ክብሉ ናብ ዝምልከቶም ኣካላት ዘቕረብዎ ጥርዓን ሰማዒ ስለ
ዘይረኸቡ ኣብ’ቲ ከባቢ ወጥርን ምትፍናን ተፈጢሩ ከም ዘሎ ንምፋልጥ ተኻኢሉ፣፣
