ኣባላት ምዕራብ እዚ ዝኾኑ ወተሃደራት ስርዓት ኢህወዴግ በቲ ዘሎ ዓፋኒ ምሕደራ ተማሪሮም ብረቶም እናሸጡ ይጠፍኡ ከም ዘለው ሊሒኹ ዝበፀሐና ሓበሬታ ኣመልኪቱ።

ካብ ውሽጢ ምክልኻል ሰራዊት ሊሒኹ ዝበፀሓና ሓበሬታ ከም ዘመላኽቶ እቶም ወተሃደራት ዝዓጠቕዎ ብረት እናሸጡ ይጠፍኡ ከም ዘለው ድሕሪ ምግላፅ ካብኣቶም ሓደ ሓለቓ ሓምሳ ዘልኣለም ዘለቀ ናይ ባዕሉን ናይ ብፃዩን ክላሽ 45 ሽሕ ብር ሸይጡ ክጠፍእ ኣብ ባህርዳር ከም ዝተትሓዘ ተፈሊጡ።

ሓለቓ ሓምሳ ዘልኣለም ዘለቀ ብ1992 ዓ/ም ናብ ውትህድርና ዝተሰለፈ እንትኾን ናይ ኢህወዴግ ወታደራዊ ኣመራርሓ ብዘይ ወዓሎ ገበናት እናጠቀኑ ክሳብ ሕዚ ብተደጋጋሚ እናኣሰርዎ ፀኒሖም ብ4 ጥቅምቲ 2007 ዓ/ም ምስ ተፈተሐ ብዓይኒ ጥርጣረ ምክትታል ምስ ኣብዝሕሉ ክላሽ ሒዙ ክጠፍእ ተታሒዙ መኮድ ኣብ ዝተብሃለ ቦታ ተኣሲሩ  ከም ዘሎ እቲ ዝተረከበ ሓበሬታ ወሲኹ የረድእ።