ኣብ ከተማ ኣዳማ ኣብ ዝርከብ ናይ ሳይነስን ቴክኖሎጂን ዩኒቨርሲቲ ዝማሃሩ ተማሃሮ። ናይ ምግቢ ምሕሳም ተቓዉሞ ከም ዘካየዱ ተፈሊጡ።

ብመሰረት ካብቲ ቦታ ዝረኸብናዮ ሓበሬታ፣ ኣዳማ ኣብ ዝርከብ ናይ ሳይነስን  ቴክኖሎጂን ዩኒቨርስቲ ዝምሃሩ ወገናት ነቲ ኣብ ክልል ኦሮሚያ ዝካየድ ዘሎ ህዝባዊ ተቓውም ብምድጋፍ፣ ኣብ ልዕሊ ገዛኢ ስርዓት ኢህወዴግ ዘለዎም ፅልኣት ብምቅዋም ኣብዚ ሰሙን ናይ ምግቢ ምሕሳም ተቓውሞ ብምክያዶም ንሰበ ሰልጣን እቲ ስርዓት ዘይሓሰብዎን ኣንፈቱ ዝቐየረ ተቓዉሞ ብምዃኑ፣ ኣብ ልዕልኦም እንታይ ስጉምቲ ከም ዝወስዱ ሓርቢትዎም ምህላዉ ንምፍላጥ ተኻኢሉ፣

እቶም ተቓወምቲ ኣምባገነን ስርዓት ኢህወዴግ ሰለማዉያን ወገናትና ብጥይት እናቐተለ ብኣሽሓት ዝቑፀሩ ንፁሃት ወገናት ድማ፣ ኣሲሩ የሳቒ ስለ ዘሎ ነዚ ሕጋውነት ዘይብሉ ተግባራት ክሳብ ዘየቋረፆ ምግቢ ምሕሳም ክቕፅልሉ ከም ዝኾኑ ንተሳተፍቲ እቲ ተቓውሞ መሰረት ገይሩ ዝበፀሓና ሓበሬታ ኣፍሊጡ።

እቲ ከምዚ ዓይነት ተቓውሞ ምሕሳም ምግቢ ናብ ኩሉ ዩኒቨርሲቲ ልሒኹ ክቕፅል ዝዓበየ ተኽእሎ ከም ዘለዎ እቲ ሓበሬታ ወሲኹ ገሊፁ።