ኣብ ዞባ ኣዊ ብዘይተፈለጡ ሰባት ዝቕተሉ ወገናት ካብ እዋን ናብ እዋን እናተበራኸተ ብምኻዱ ነባሪ ህዝቢ ኣብ ስግኣት ወዲቑ ዕለታዊ ስራሕቱ ንምስላጥ ተፀጊሙ ከም ዝርከብ ተሓቢሩ፣

ኣብዚ ዉሽጢ ወርሒ ግንቦት ጥራይ መንነቶም ብዘይ ተፈልጡ ሰባት ዕለታዊ ስራሕቶም ኣብ ምስላጥ ተዋፊሮም ዝነበሩ 6 ንፁሃት ዜጋታት ተቐቲሎም ዝተረኸቡ እንትኾኑ። እቶም ገበነኛታት መቕተሊ ዝጥቀምሉ ዘለዉ ኣፅዋር ካብ ኣካላት መንግስቲ ብኽራይ መልክዕ ከም ዝዋሃቦምን ካብቲ ብምቕታል ሰባት ዝርከብ ኣታዊ ተረባሕቲ ዝኾኑ ኣባላት ፀጥታን ኣመሓደርትን ኣብ ጎኒ እቶም ሰብ እናቐተሉ ገንዘብ ዝኸትሩ ከም ዘለዉ ንፈለጥቲ ዉሽጢ  መሰረት ብምግባር ዝበፀሓና ሓበሬታ የገንዝብ፣

  እዚ ከምዚ ኢሉ እንተሎ ኣብ ዞባ ኣዊ ከተማ ሽንዲ ኣብ ዝሓለፈ ግዜ ንፁህ ሰብ ዝቐተሉ ዕጡቛት ስርዓት ወያነ ብነፃ ክልቀቑ ከም ዝተገብረ ተሓቢሩ፣

   ኣብ ክልል ኣምሓራ ዞባ ኣዊ ከተማ ሽንዲ ኣብ ዝሓለፈ እዋን ንኣይተ ዩሁን ደምበላሽ  ንዝተበሃለ ንፁህ ዜጋ። ኣሸባሪ ዝብል ናይ መፀለምታ ሽም ኣጠሚቖም ካብ ዝቐተልዎ ዕጡቛት ስርዓት ወያነ-ኢህወዴግ ዝኾኑ።

1.  ኮንስታብል ብርሃኑ ሽፈራዉ

2.  ኮንስታብል ለኣለም

3.  ምልሻ ደሳለዉ ማሙ

4.  ምልሻ ክንዴ ይርጉን ንምንታይ ሰብ ቀቲሎም ተሊቒቖም? ዝብል ህዝባዊ ሕቶ ንኸይለዓል። ንግዚኡ ኣብ ቁፅፅር ፖሊስ ኣትዮም ንይምሰል ክኸሰሱ ተጌሩ እኳ እንተነበረ። መርማሪ ፖሊስ ኢንስፔክተር ደረጀን ዋና ኣመሓዳሪ ሙላቱ ጌተዉን ዝርከብዎም ቤት ፅሕፈት ፖሊስ፤ ዓቀብቲ ሕጊን ቤት ፍርዲን ብምሽጥር ተማኽሮም ክሶም ዉፅኢት ከየምፅእ ብምግባር ብነፃ ፍርዲ ከም ዝለቐቕዎም ንምፍላጥ ተኻኢሉ፣