ኣብ ትግራይ ካብ ዝተፈላለዩ ኮሎጃትን ዩኒቨርሲቲታትን እተመረቑ ተማሃሮ ስራሕ መንግስቲ ንምርካብ ካብ 3-5 ሽሕ ብር ጉቦ ክኸፍሉ ግድን ኮይኑ ከም ዘሎ ተሓቢሩ፣

እቶም ተማሂሮም ስራሕ ብምስኣኖም ማሕበራዊ ሂወቶም ንምምራሕ ጭንቂ  ኮይንዎም ዘሎ ተማሃሮ። ኣብ ስራሕ መንግስቲ ንኽቑፀሩ ኣቐዲሞም ምልክታ ስራሕ ኣብ ዝጥቅዓሉ ቦታታት ብዝተዋፈሩ ደላሎ ኣቢሎም  ካብ 3 ሽሕ ክሳብ 5 ሽሕ ብር  ስራሕ ንዝቖፅሩ ሓለፈቲ ዝኸዉን ጉቦ ይኸፍሉ ከም ዘለዉ ካብ ዝተፈላለያ ከተማታት ትግራይ ዝበፀሓና ሓበሬታ ገሊፁ፣

ብፍላይ ድማ ኣብ ከተማ መቐለ ዝርከብ ኣይተ ሃፍቶም ዝተበሃለ ኣብ ትካል መንግስቲ ዝሰርሕ በዓል ስልጣን ንባዕሉን ካልኦት መሻርኽቱን ኣብ ድለላ ተዋፊሩ ምስ ሓለፍቲ ኣብያተ ፅሕፈት እናተራኸበ ክፍቲ ስራሕ ብምፅናዕ በልዕና ክነብለዓኩም ኢና እናበለ ዘይተኣደነ ሓፍቲ ይዘምት ከም ዘሎ ንምፍላጥ ተኻኢሉ።

ካብቶም ጉቦ ከፊሎም ስራሕ ዝተቖፀሩ ንምጥቃስ። ተኽለ ኣባዲ ዝተባህል ኣብ ክልል ዓፋር ዝተመበ፤ ኣበባ ተጫነ ካብ ከባቢ ደሴ ዝመፀትን ኣስካለ ኣማረ ዝተባሃለትን  ካብቶም ብመንገዲ ደላሎ ንሓለፍቲ ኣብያተ ፅሕፈት ጉቦ ከፊሎም ኣብ ክልላት ትግራይን ዓፋርን መንግስታዊ ስራሕ ዝረኸቡ ገሊኦም ምዃኖም እቲ ዝተረኸበ ሓበሬታ ወሲኹ  ኣገንዚቡ፣