ላዕለዎት ሓለፍቲ ሰራዊት ምክልኻል ኢትዮጵያ ባጀት ሰራዊት ሒዞሞ ይጠፍኡ ከም ዘለዉ ካብ ዉሽጢ ምክልኻል ልሒኹ ዝበፀሓና ሓበሬታ ኣረዲኡ።

ኣብቲ ስርዓት እምነት ዝሰኣኑ ላዕለዎት መኮንናት ምክልኻል ኢትዮጵያ ናይ ክፍለ ሰራዊታት ባጀት  ጥረ-ገንዘብ ኣኪቦም ይጠፍኡ ምህላዎም ዝገለፀ እቲ ሓበሬታ ካብኣቶም ሓደ ናይ  መበል 12 ክፍለ  ሰራዊት ናይ ፖለቲካ ጎስጓስን ኦፐሬሽን ሓላፊ ዝኾነ ሌተናል ኮረኔል ተሾመ ተኽለሃይማኖት እንትኾን ንሱ ምስ’ቶም ናይ’ቲ  ክፍለ ሰራዊት ላዕለዎት ሓለፍቱ ኣብ ስሚዒት ብምንባሩ ከም ውፅኢቱ ድማ ብ3 ለካቲት 2006 ዓ/ም ባጀት ናይቲ ሰራዊት  ሒዙ ከም ዝጠፈአ ገሊፁ።

  እቲ ሓበሬታ ኣስዒቡ። ሌተናል ኮረኔል ተሾመ ተኽለሃይማኖት  ነቲ ገንዘብ ሒዙ ምስ ጠፈአ ክሳብ ሕዚ  ኣበይ ከም ዝኣተወ ስለ ዘይተፈለጠ ላዕለዎት ሰበ ስልጣን ምክልኻል ኢህወዴግ  ኣብ ትሕቲ እቲ ኮረኔል ኮይኑ ዝሰርሕ ዝነበረ  ናይ መበል 12 ክፍለ ሰራዊት ሓላፊ ፋይናንስ ነቲ ገንዘብ ስለ ምንታይ ሂብካዮ ብምባል ዓንፆ ዓንፆ ኣሲሮሞ ከም ዘለው ኣረዲኡ።