www.demhit on line.com
በቅርቡ የሙስሊሙ ህብረተሰብ የሃይማኖት መሪዎችን
ለመምረጥ በሃገር ደረጃ የተደረገውን ምርጫ ተከትሎ ኢህአደግ በደሴ ከተማ ኗሪ በሆኑት የእስልምና ሃይማኖት ተከታዮች መካከል የመረጡና
ያልመረጡ በሚል ልዩነቶችን በመፍጠርና በመከፋፈል ኣልመረጡም ተብለው በመንግስት የተፈረጁት መእመናን በአከባቢያቸው በሚገኘው መስጊድ
ውስጥ የተለመደውን ጸሎታቸውን እንዳያደርሱ በስርዓቱ የጸጥታ ሃይሎችና የኢህአደግ ደጋፊዎች በሆኑ የእምነቱ ተከታዮች በመታገዳቸው
ምክንያት በ 23/02/05 ዓ/ም በአከባቢው ግጭት ተቀስቅሶ ሁለት ሰዎች ወዲያውኑ ሲሞቱ ሌሎች በርካታ ሰዎች ላይ የመቁሰል አደጋ
መድረሱን ከቦታው የደረሰን ዘገባ ያመለክታል፣
በምርጫው ወቅት አልመረጡም በሚል ሰበብ በአከባቢያቸው
በሚገኘው መስጊድ እንዳይሰግዱ የተከለከሉት ምእመናን እስካሁን ድረስ እንዳልተፈቀደላቸውና መስጊዱንም በስርዓቱ የጸጥታ ሃይሎች እንደተከበበ
መሆኑ ዘገባው ጨምሮ ያስረዳል፣
