ኣብ ክልል ኦሮሞ ወረዳ ሞያሌ ኣብ ዝሓለፈ ሰሙን ኣብ ስለስተ ቀበሌታት ብዝተለዓለ ዓሌታዊ ግጭት ልዕሊ 33 ሽሕ ስባት ናብ ኬንያ ከም ዝተፈናቐሉ ትካል ቀይሕ-መስቀል ኣፍሊጡ።

ኣብቲ ከባቢ ዝነብሩ ዓሌታት ቦረናን ገሬ ግጭት ዝተጀመረ ኣብ ቀበሌታት ጨኑቅ፤ ሽዎባሬ፤ መለብ ኣብ ዝተበሃሉ ከባብታት እንትኾን፤ ብዙሕ ከደንጎየ ናብ ወረዳ ከተማ ሞያሌ ብምልብዑ፤ በቲ ግጭት ካብ 20 ንላዕሊ ሰባት ከምዝቖሰሉን ከምዝተቐተሉን  ነበርቲ እቲ ከባቢ ይዛረቡ።

ንነበርቲ እቲ ከባቢ መሰረት ብምግባር ዝተረኸበ ሓበሬታ ከም ዘረድኦ፤ ኣብ ሆስፒታል በያቤሎ ልዕሊ 28 ሰባት ቆሲሎም ሕክምናዊ ረድኤት እናተገብረሎም ዝርከቡ ኮይኖም፤ ኣብ ሞያሌ ጣቢያ ጥዕና’ዉን ብርክት ዝበሉ ዝቖሰሉ ሰባት ረድኤት ሕክምና እናተገበረሎም  ዝተዓዘቡ ዝተፈላለዩ መሰኻኽር ዓይኒ ኣረዲኦም።

ኣብ መወዳእታ ሰበ ስልጣን ክልል ኦሮሞ መበግሲ እቲ ግጭት ዓሌታዊ ምዃኑን፤ ኩነታቱ ንምፅራይ ብቐረባ ኮይና ንከታተል ነረጋግዕን ኣለና እኳ እንተበሉ፤ ካብ ባዕሎም ወፃኢ ንግዚኡ እዉን ይኹን እቲ ከባቢ ከም ዝተረግገዐ ዘረድእ ሓበሬታ ከም ዘይተረኸበ ንምፍላጥ ተኻኢሉ።