ኣብ ከተማ ወልድያ ንመሰልጠኒ ቴኳንዶ ተባሂሉ ዝተዋፀአን ዝተበጀተን ብርክት ዝበለ ገንዘብ ዝበለዐ ሓላፊ ኮሚሽን ስፖርት‘ቲ ወረዳ ከም ዝተሰወረ ተፈሊጡ።

እቲ ብ5 ነሓሰ 2005ዓ/ም ንመሰልጠኒ መናእሰይ ስፖርት ተባሂሉ ዝተሰለዐ ልዕሊ ክልተ ሚኢቲ ሽሕ ብር ኣብ ውልቀ ዋኒኑ ዘውዓለ ኤፍሬም ጌታሁን ዝተባሃለ ሓላፊ ኮሚሽን ስፖርት እቲ ወረዳ እቲ ጉዳይ ብግዱሳት ወገናት ከም ዝበልዖ ተረጋጊፁ ናብ ቤት ፍርዲ ክቐርብ ተጌሩ እኳ እንተነበረ፤ እቶም ነኒባዕሎም ብግበረለይ ክገብረልካ ዝተጨማለቑ ሰበ ስልጣን ወያነ ኢህወዴግ ሃፍቲ ህዝቢ እናጋሓጥካ ምህዳም ኣመሎም ጌሮሞ ነቲ ብግዕዝይና ዝተጨማለቐ ዉልቀ ሰብ ብዋሓስ ለቒቖም ንክሃድም ቦታ ከም ዘጣጥሕሉ ካብ’ቲ ቦታ ዝበፅሓና ሓበሬታ ገሊፁ።

  ብፍላይ እቲ ካብ ሃፍቲ ህዝብን ሃገርን ዝተዋፅአ ገንዘብ ዝበልዐ ሓላፊ ኣብ ሕጊ ቀሪቡ ግቡእ ፍርዲ ክረክብ እናተገበአ፤ ብመንገዲ ሓላፊ እቲ ቤት ፍርዲ ክሳብ ክንደየናይ ከቢድ ገበን ከም ዝፈፀመን ከቢድ ፍርድ ይፅበዮ ከም ዘሎን ብሕቡእ ነጊሩ ክሃድም ከም ዝተገበረን ንሱ ድማ ገና ዝጓሓሎ ገንዝብ ብፖሊስ ተፈቲሹ ከይተወሰደ ሒዙ ከም ዝተሰወረን ንምፍላጥ ተኻኢሉ።