ሰርዓት ወያነ ኢህወዴግ ዕድመ ስልጣኑ ንምዉሓስ ክብል መምህራን ሞያዊ ስነ-ምግባር ካብ ዘፍቅደሎም ወፃኢ ንተማሃርኦም ክስልዩ ስልጠና ከም ዝሃበ ተሓቢሩ፣

ኣብ ክልል ኣምሓራ ዞባ ኣዊ ንዝርከቡ መምህራን ዓቕሚ መዕበይ ስልጠና ክትወስዱ ተባሂሎም  ካብ 7 መሰከረም ክሳብ 12 መሰከረም 2006 ዓ.ም ኣብ ዘካየድዎ ስልጠና፣ ኣብ ኩለን ኣብያተ ትምህርቲ ኣክራርነት እስላምን ካልኦት ተመሳሰልቲ ተቓዉሞታት ብተማሃሮ ከይለዓል ክትትል ክገብርሎም ዝግብኦም ነጥብታት ብሽሞኛታት ስርዓት ወያነ-ኢህወደግ ስልጠና ከም ዝተዋሃቦም ካብቲ ቦታ ዝበፀሓና ሓበሬታ ኣረዲኡ፣

  ካብቲ ዞባ ከይወፃእና ካብ ቻግኒ ናብ ኣዲስ ኣበባ ዝወድስ መስመር ፅርግያ ካብ 9 መሰከረም 2006 ዓ.ም ኣትሒዙ ኣገልግሎት ካብ ምሃብ ጠጠዉ ኣቢሉ ከም ዝርከብ ዝገለፀ እቲ ሓበሬታ። ከም ሰዓቤኑ ከዓ በቲ መሰመር ካብን ናብን እናተቀሳቐሱ ስራሕቶም ዘሳልጡ ዝነበሩ ነጋዶን ሰብ ዋና መካይንን ፍታሕ ስለ ዘተገበረሉ ካብ ዕለታዊ ስራሕቶም ተኣጓጒሎም ንዘይተደለየ ክሳራ ተሳጥሖም ከም ዝርከቡ ካብቲ ከባቢ ዝተረኸበ ሓበሬታ ኣረዲኡ፣