ኣብ ወልቃይት ንዝርከብ ሽኮር ፋብሪካ መስርሒ ተባሂሉ ዝተልኣኸ ንብረት ኣብ‘ቲ ቦታ ከይበፅሐ ይጠፋፋእ ከም ዘሎ ምንጭታትና ሓቢሮም፣

ብመሰረ’ቲ ሓበሬታ። እቲ ኣብ  ወልቃይት ንዝስራሕ ሽኮር ፋብሪካ መሳርሒ ክዉዕል ተባሂሉ ብክልተ መኻይን  ዝተፅዓነ ቴንዲኖ፤ ሰሚንቶን ጣዋሉን ኣብ መዓልዑ ከይወዓለ ንወልቀ ነጋዶ  ክሽየጥ ይግበር ስለ ዘሎ  ህዝቢ መረረቱ ኣብ ምግላፅ ከም ዝርከብ እቲ ዝበፅሓና ሓበሬታ ገሊፁ፣

   እታ ብኮድ 3. ቁፅሪ ሰሌዳ  00529 ኣ.ማ ዝኾነት መኪና። ምስ ተሳሓቢታ ፂዒናቶ ዝነበረት ቴንዲኖን ሰሚንቶን ብ9 መስከረም 2006 ኣብ ከተማ ባህር ዳር መኻዚኖ እንዳ ኣይተ መንግስቱ ምስ ዝተርገፈ ከም ዘይትታሓዘት፣  እታ ካልአይቲ ብኮድ 3. ቁፅሪ ሰሌዳ 13045 ኢ.ት እትፍለጥ ናይ ፅዕነት መኪና ድማ ፂዒናቶ ዝነበረት  ጣውላ ኣብ ከተማ ባህርዳር ኣብ ዝርከብ እንዳ ኣይተ ገረኪኤል መኻዚኖ ብ9 መስከረም 2006 ዓ/ም ተራግፍ ኣብ ዝነብረትሉ ግዜ ብምትሕብባር ህዝቢ ኢድ ብኢድ ከም ዝተታሓዘት ካብ ከተማ ባህር ዳር ዝበፅሓና ሓበሬታ ወሲኹ ኣረዲኡ፣

 ብተመሳሳሊ ኣብ ዝሓለፉ ኣዋርሕ ንመህነፂ ፋብሪካ ሽኮር ወልቃይት እናተብሃለ ዝጓዓዝ ዝነበረ ቴንዲኖን ሰሚንቶን ኣብ ከተማ ባህርዳር ንወልቀ ነጋዶ ብኣካይድቲ ስራሕ እቲ ፋብሪካ ክሽየጥ ብተደጋጋሚ ከም ዝተረኸቡ ብዜናና ፈኒና ምንባርና ይዝከር፣