በሽረ-እንዳስላሰ ከተማ ፤ በመስቀል በዓል የፖሊስና ሚሊሽያ አባላት በፈጠሩት ችግር የህዝብ ተቃውሞ ተቀሰቀሰ፣

በሽረ-እንዳስላሰ ከተማ 03 ቀበሌ ከምሽቱ 1።30 ስዓት በርካታ ወጣቶች የመስቀል በዓልን ምክንያት በማድረግ በአቶ ዓንዶም መኮነን መኖሪያ ቤት ተሰባስበው ጠላ እየጠጡ እራሳቸውን ሲያዝናኑ ነበር፣ የወጣቶቹን አንድ ላይ መሰባሰብ ያልተዋጠላቸው የአከባቢው የፖሊስና የሚሊሽያ አባላት አቶ ዓንዶም መኮነንን ትፈለጋለህ ብለው በማስጠራት ያለምንም ጥያቄ ግለሰቡን በዱላ እየተቀባበሉ እንደቀጠቀጡት ከቦታው የደረሰን ዘገባ ያስረዳል፣

በሁኔታው የተቆጡ በአከባቢው የነበሩ የከተማዋ ኗሪዎች ግለሰቡን ወደ ህግ ቦታ ማድረስ እንጂ መደብደብ አይገባም በማለት ድርጊቱን በማውገዝ ተቃውማቸውን ገልጸዋል፣ የፖሊስና የሚሊሽያ አባላት በአከባቢው ተቃውማቸውን ሲገልጹ በነበሩ ኗሪዎች ላይ እርምጃ ለመውሰድ ሲሞክሩ ግጭት ተፈጥሮ የፌደራል ፖሊስ ሃይል በረዳትነት ወደ አከባቢው ደርሶ ኗሪዎችን መቀጥቀጥ በጀመረበት ጊዜ አንዲት የፌደራል ፖሊስ አባል በድንጋይ ተፈንክታ መውደቋን የደረሰን ዘገባ ጨምሮ ያስረዳል፣