መንእስያት ዞባ ምዕራብ ትግራይ ንሕርሻ ዝውዕል መሬት ተነፊጉና ብምባል ብ24 ጥቅምቲ 2006 ናብ ቤት ፅሕፈት እቲ ዞባ ጥርዓን ከም ዘቕረቡ ካብቲ ከባቢ ዝበፃሓና ሓብሬታ ኣመልኪቱ፣

እቶም መናእሰይ ብ24 ጥቅምቲ  2006  ናብ ምምሕዳር  ዞባ ምዕራብ ትግራይ  ዘቕረብዎ ዝርዝር ትሕዝቶ ጥርዓን “ስደት ምኻድ ደው ክብል እንድሕር ኮይኑ  ከም ደቂ ሃገር መሰልና ተሓልዩ  ሰሪሕና ኣብ ሃገርና ክንነብር ንሕርሻን መሰርሒ ገዛን ዝዉዕል መሬት ይወሃበና፤ ዝብል’ኳ እንተነበር እዚ ብተደጋጋሚ ዘቕረብዎ ጥርዓን እዋናዊ ምላሽ ክረኽብሉ ከም ዘይከኣሉ  ተገሊፁ፣

    በቲ ኣሉታዊ መልሲ እቲ ምምሕዳር ዝነደሩ መንእስያት ብዓውታ ካድረታት ጉጅለ ህወሓት-ኢህወዴግ በጀካ ንወልቃዊ ጥቕምኹም እንተዘይኮይኑ ንሃገርን ህዝቢ ዘይትሓስቡ ሱሱዓት መራሕቲ ኢኹም ክብሉ ብምረት ድሕሪ ምግላፅ። መሬትና ንወልቀ ሃፍታማት እናሸጥኩም ጁባኹም  ተሕብጥሉ ኣለኹም ንሕና ግና ምስ ሃፍታም መሬትና ሃገርና ብፀገም መነባብሮ ፎቖዶ ሰደት ክንጠፍእ ግዳይ ሞትን  ስቃያትን ንኾን ኣለና ክብሉ ኣብቲ  ስርዓት ዘለዎም ፅልኣት ከም ዝገለፁ ንምፍላጥ ተኻኢሉ።