ተምሃሮ ዩኒቨርሲቲ ደብረብርሃን ኣንፃር ጉጅለ ህወሓት-ኢህወዴግ ዝዓለመ ናይ ተቓውሞ ሰለማዊ ሰልፊ ከም ዘካየዱ ተሓቢሩ፣

እቲ ብ8 ጥቅምቲ 2006 ዓ/ም ብተምሃሮ ዩኒቨርሲቲ ደብረብርሃን ዝተኻየደ ናይ ተቓውሞ ሰለማዊ ሰልፊ። ዕላምኡ ነቲ ዩኒቨርሲቲ ተባሂሉ ዝተሰለዐ ባጀት ኣብ መዓልኡ ከይዋዓለ ዝምልከቶም ኣካላት ናብ መንግስቲ መሊሶም ኣታዊ ይገብርዎ ብምህላዎም እዙይ ድማ ንፀገም መነባብሮ ተማሃሮ የጋዲዶ ስለ ዘሎ። እቲ ዘይሓላፍነታዊ ተግባር ደው ከብልዎ ዝፅዉዕ ከም ዝኾነ ካብ’ቲ ዩኒቨርሲቲ ዝተረኸበ ሓበሬታ ኣመልኪቱ፣

     ኣብ’ቲ ዩኒቨርሲቲ ዘሎ ቀረብ ምግቢ ዘየዕግብን ፅሬቱ ዘይሓለወን  ብምኳኑ ብሰንኩ እቶም ተምሃሮ  ግቡእ ትምህርቶም ክከታተሉ ተፀጊሞም ምህላዎም፣ ብፍላይ ድማ ተዓዲልዎም ዝነበረ ኮቦርታ ስለ ዝተሓደጉ፤ ኣብ’ቲ ከባቢ ዘሎ ዛሕሊ ጠባይ ኣየር  ክፃወርዎ ስለ ዘይከኣሉ፤ ነቲ ብተደጋጋሚ ዝበፅሖም ዘሎ  ምሕደራዊ ፀገምን ንምታይ ከምኡ ይግበር ከም ዘሎ እኹል መብርሂ ንኽዋሃቦምን ንኽፍታሓሎም ቀፃሊ ዝኾነ ኣድማ የከይዱ ምህላዎም እቲ ሓበሬታ ወሲኹ ኣፍሊጡ፣

  እቶም ተማሃሮ ዘቕርብዎ ዘለዉ ጠለባት እንተዘይተማሊኡ ንኽማሃሩ ከቢድ ፈተና ኮይንዎም ብምህላዉ ከይዲ ምምሃር ምስትምሃር ክሰናኸል ከም ዝኽእል እቲ ዝተረኸበ ሓበሬታ ወሲኹ ኣረዲኡ።