መንግስት በሽያጭ ያቀረበውን ማዳበሪያን ለመግዛት ፈቃደኛ ያልሆኑ የጸለምቲ ወረዳ ገበሬዎችን እየታሰረ ነው፣

የጸለምቲ ወረዳ መስተዳድር በወረዳው የሚገኙ አርሶ አደሮች ማዳበሪያ እንዲገዙ ከፍተኛ ቅስቀሳ በማድረግ ላይ ቆይቷል ፣ ነገር ግን ገበሬው መንግስት በ 2005 ዓ/ም ማዳበሪያ በውድ ዋጋ እንድንገዛ ማስገደዱ እንዳይበቃ አሁን ደግሞ በመጋዘን ውስጥ የቆየ በትርፍ የመጣ ማዳበሪያን  ለመሸጥ ሲል በገበሬው ላይ ጫና ማድረጉ ተገቢ አይደለም ሲሉ ተቋውመውታል፣

የስርዓቱ ካድሬዎች ጥቅምት 19,2006 ዓ/ም የወረዳዋን ገበሬዎች ሰብስበው ጫና በማድረግና በማስፈራራት ማዳበሪያውን ለመሸጥ ቢሞክሩ ህዝቡ በአንድ ድምጽ ድርጊቱን አውግዘውታል፣

በሁኔታው ቅር የተሰኘው የመድረኩ መሪ አቶ ማሞ አሸናፊ ፤ አቶ አስማረ አለበል ፤ ወ/ሮ ህይወት ታከለና ወ/ሮ አጸደ ገ/መስቀል የሚገኙባቸው በርካታ ሰዎችን ጸረ-ልማትና አድመኞች በሚል ሰበብ እንዳሳሰራቸው ታውቋል፣