ኣብ ዞባ ማእከል ትግራይ ወረዳ ታሕታይ ማይ ጨው ጣብያ ማይ ዓፅሚ ዝርከብ ነባራይ ህዝብና ብዘይድልየቱ ማዳበርያ ክወስድ ይግደድን ኣይወስድን ዝበለ ከኣ ይእሰር ከምዘሎ ተፈሊጡ።

ብመሰረት’ቲ ሓበሬታ  ነባራይ ጣብያ ማይ ዓፅሚ ብካድረታት ናይቲ ስርዓት ብሓይሊ መዳበርያ ክወስድ ድሕሪ ምግዳዶም ናይ ዝወሰድዎ መዳበርያ ዕዳ መኽፈሊ ዓቕሚ ብምስኣኖምን ኣባላት ውድብ ህወሓት ብዘይ ምዃኖምን ንሽዱሽተ ወርሒ  ተፈሪዶም ኣብ ቤት ማእሰርቲ ኣኽሱም ይሳቐዩ ካብ ዘለዉ  ወገናትና ንገሊኦም፦

1.  ተኽላይ ገብረመድህን

2.  ተወለ መንገሻ

3.  ሃለቃ ገብረሚካኤል በርሀ

4.  ተስፋይ ደብለው

5.  ለኣከ ሓሳቡ

   6.ኣብረሃ ገብረመድህንን ካልኦትን እንትኾኑ ካብቶም ዝተኣሰሩ ንዋጋ ማዳበርያ 1310 ብር ክኸፍል ዝኸኣለ ካብ ቤት ማእሰርቲ እንተወፅእ እቲ ዘይከኣለ ግን ግዳይ ስቓይን ማእሰርትን ኮይኑ ከም ዘሎን እቲ ዝተረኸበ ሓበሬታ የመልክት።