ኣብ ምክልኻል ሰራዊት ዝርከቡ ላዕለዎት ሓለፍቲ ነቶም ዝጥርጥርዎምን ዘይደለዩዎም መኮንናት ብደብዳቤ እናገበሩ ካብ ስርሖም ደው የብሉዎም ከም ዘለው ተፈሊጡ።

ካብቲ ምክልኻል ሊሒኹ ዝበፅሐና ሓበሬታ ከም ዘመላኽቶ ኣብ መንጎ ላዕለዎት  ሓለፍትን  ጀኔራላትን ምክልኻል ሰራዊት ኢትዮጵያ ኣጋጢሙ ብዘሎ ዘይምስምዕማዕ ምኽንያት ነቶም ዝጥርጥርዎምን ዘይደለዩዎም መኮኖናት ብደብዳብ እናገበሩ ካብ ስርሖም ደው የብሉዎም ከም ዘለውን ነቲ ተፈጢሩ ዘሎ ምትፍናን  ንምፍታሕ ዝዓለመ ድማ መጋበሪያ እቲ ስርዓት ዝኾኑ ላዕለዎት ሓለፍቲ እቲ ምክልኻል  ኣብ  ከተማ ኣዲስ ኣበባ ኣብ ሓያል ኣኼባ ተፀሚዶም  ከም ዘለው ካብቲ ሓበሬታ ምርዳእ ተኻኢሉ።

  እቲ ሓበሬታ ኣብ መወዳእታ ሰራዊት ምክልኻል ኢትዮጵያ ካብ ላዕሊ ክሳብ ታሕቲ ውሽጡ ብምምሽማሹ ገሊኡ ባዕሉ ኣሰናብቱና ዝብል ቁፅሮም ዘይናዓቕ እግሮም ናብ ዝመረሖም እንትጠፋ ንገሊኦም እቲ ስርዓት ንህልውንኡ ብምስጋእ እናተጠራጠረ የባርሮም ከም ዘሎ ተፈሊጡ።