በአምቦ ከተማ በተካሄደው ተቃውሞ ህዝብን አነሳሳታችኋል በሚል ግንቦት 27/2006 ዓ/ም በኢህ.አ.ዴ.ግ የፀጥታ ሃይሎች ታፍነው የተወሰዱ ንፁሃን ዜጎች ለሞትና ለስቃይ ተጋልጠው እንዳሉ ተገለፀ።

በምንጮቻችን መረጃ መሰረት የአምቦ ከተማ ነዋሪ የሆኑ በርካታ ንፁሃን ወገኖች ህዝቡን ለተቃውሞ አነሳሳታችኋል ተብለው 150 ሰወች ታፍነው እንደተወሰዱና ከእነሱ ውስጥም 17 ሰዎች የሞቱ ሲሆን የተረፉት ደግሞ በደብረዘይት ልዩ ስሙ ቢሾፍቱ በተባለ ቦታ ታስረው እንደሚገኙና ዘመድ ወዳጅና ቤተሰብ ለማየት የማይፈቀድ መሆኑንም ውስጥ አዋቂ ምንጮች ገልፀዋል።

      በተመሳሳይ በኦሮሚያ ክልል ግምቢ ከተማ መጪ መንደር በተባለ አካባቢ ባለፈው ጊዜ በተካሄደ ተቃውሞ ተሳታፊና አነሳሾች ናችሁ በማለት ግንቦት 7 2006 ዓ/ም በስርዓቱ ተላላኪዎች አማካኝነት ሃኒ መላኩ የምትባል ሴት የምትገኝበት 35 ንፁሃን ወገኖች ታፍነው እንደተወሰዱና እስካሁን ድረስ  የት እንዳሉ የሚያውቅ ቤተሰብም ይሁን ዘመድ እንደሌለና በአጠቃላይ በአካባቢው የሚገኙ ህዝቦች ከባድ ግርፋትና የማስፈራራት ዛቻ እየደረሳቸው እንደሚገኙ ለማውቅ ተችሏል።