ኣብ ወረዳ መረብ ለኸ ከባቢ ዓዲ ማሓይሽ ዝነብሩ ኣባላት ተቓዋሚ ውድብ ዓረና ዝኾኑ ወገናት። ምስ ዴምህት ርክብ ኣለኩም ተባሂሎም ከም ዝተኣሰሩ ተፈሊጡ፣

ኣብ ዞባ ማእከል ትግራይ ወረዳ መረብ ለኸ ከባቢ ዓዲ ማሓይሽ ዝነብሩ  ኣባላት ተቓዋሚ ውድብ ዓረና ዝኾኑ ወገናት። ደገፍትን ተሓባባርትን  ዴምህት ኢኹም ተባሂሎም ኣማሓደርቲ ስርዓት ህወሓት/ኢህወዴግ ፖላዊስን ወተሃደራትን ብምሓዝ ብለይቲ ናብ ገዝኦም ኣትዮም። ኣብ ምፍታሽን ምእሳርን ተፀሚዶም ከም ዘለዉ ምንጭታትና ካብ’ቲ ከባቢ ኣፍሊጦም፣

ካብ’ቶም ዝተኣሰሩ ወገናት ዝተወሰኑ ንምጥቃስ፦ መንእሰይ ዘምኪኤል ተስፋስላሴ፤ ኣስመላሽ ጉዑሽን ወልደገብራኤል ገብረፃዲቕን ዝተብሃሉ ዝርከብዎም ካድረታት እቲ ስርዓት ምስ ኣካላት ፀጥታ ብምዃን ኣብ ዝሓለፈ ወርሒ መጋቢት ብለይቲ ካብ ገዝኦም ዓፊኖም ምስ ወሰድዎም። ኣብ ከተማ ራማ ሓንቲ ለይቲ ኣሕዲሮም ናብ ከተማ መቐለ ከም ዝወሰድዎም ምንጭታት ወሲኾም ኣረዲኦም፣