ኣብ ዝሓለፈ ኣብ ዩንቨርሲቲ ድሬዳዋ ብዝተላዓለ ናዕቢ ሐዚ’ውን 20 ተማሃሮ ተኣሲሮም ከም ዝርከቡ ተገሊፁ።

ምንጭታት ከም ዝገለፅዎ፣ ኣብ’ዚ ቀረባ ግዜ ኣብ ድሬዳዋ ምስ ምግቢ ተኣሳሲሩ ተላዒሉ ኣብ ዝነበረ ግጭት ተኣሲሮም ካብ ዝነበሩ 300 ዝኾኑ እንትፍትሑ ሐዚ’ውን 20 ተማሃሮ ተኣሲሮም ይርከቡ።

  ካብ’ቲ ዩኒቨርስቲ ዝተረኸቡ ምንጭታት ከም ዝገለፅዎ፣ አባላት ፌዴራል ፖሊስ  ኣብ’ቲ ሽዑ ግዜ ኣብ ልዕሊ ተማሃሮ ካብ ዘብፅሕዎ  ከቢድ ደብዳብ ብተወሳኺ ሞባይል ተማሃሮ ከይተረፈ መንጢሎም ምውሳዶም ተፈሊጡ።

   ኣብ’ቲ ዕለት ብዝተፈጠረ ዕግርግር ግምቱ ልዕሊ 150 ሽሕ ቅርሺ ዘውፅእ ንብረት እንትዓኑ፣ መበገሲ’ቲ ግጭት ምስ ምግቢ ዝተታሓሓዘ እንትኾን፤ ምንጭታት እቲ ዩኒቨርስቲ ከም ዝብልዎ፣ ኣብ ዝሓለፈ ዓመት ካብ ምግቢ ተማሃራይ ብምቕናስ ንዲን እቲ ዩኒቨርስቲ 17 ሚሊዮን ምሽላሞም ተፈሊጡ።